UQEQESHO LWAMAHHALA KWEZAMAFILIMU
SIVULE ithuba eliyingqayizivele isikhungo esilekelela ukuthuthukisa abanentshisekelo yezamafilimu, iKwaZulu-Natal Film Commission (KZNFC), nesisungulelwe ukubeka lesi sifundazwe ebalazweni ngokukhiqiza abanolwazi lwalo mkhakha wezamafilimu.
I-KZNFC inombono wokuthuthukisa umnotho ngomkhakha wezamafilimu, kudalwe namathuba omsebenzi.
Ngonyaka wezi-2015 kube nocwaningo olwenziwe, oluveze ukushoda kwamakhono nokuyikho okuholele ekutheni kube nohlelo lokuthuthukisa amakhono kwezokuhlela nokukhiqiza imisindo ( sound production), kwezokuhlela nokwaba izimali ( budgeting), nasekuhlelweni kwezinhlelo ngefilimu ( scheduling).
Uhlelo loqeqesho lokuqala luzoba ngolokuhlelwa kwemisindo efilimini nakwithelevishini. Lolu hlelo luthatha izinsuku eziyi-10 okufaka phakathi nama- workshop nokuzibambela mathupha ekukhiqizeni.
Olwesibili kuzoba ngolwezimali nokuhlelela ifilimu nethelevishini nakho okuzohamba njengohlelo lokuqala olungenhla. Zizoqala ngenyanga ezayo lezi zinhlelo.
Okumnandi ngazo wukuthi zi- bhusende kulabo abazoqokwa kwabazothumela izicelo.
Imigomo ithi kumele kube ngoneminyaka engaphezu kweli-18, kube ngoqhamuka kwabangamile kahle (nokuzoqhakanjiswa kubo abesifazane, nabaphila nokukhubazeka), kube ngoke walunguza ekukhiqizweni okungenani kwefili- mu eyodwa, akwazi ukubhala nokuxhumana kahle nabantu.
Kuzomele isicelo sithunyelwe ku-SkillsDev@kwazulunatalfilm. co.za ngaphambi komhlaka 23 kwephezulu ( February).
Eminye imininingwane itholakala ngokushayela ku-031 325 0200.