ITHUBA LOKUBA NGABAKHANGISI KWI-DURBAN FASHION FAIR
BAZOTHOLA ithuba eliyingqayizivele abafisa ukuba ngabakhangisi njengoba iDurban Fashion Fair ngokubambisana nomasipala weTheku bethungatha ikhono labafisa ukungena kulomkhakha.
UMasipala iTheku uzoba nezinsuku lapho uzobe uhlunga khona abesifazane nabesilisa abangakasayini nenkampani yezokumodela ( modelling agency). Abazoba senhlanhleni yokutonyulwa kulo mkhankaso bazoba yingxenye yeDurban Fashion Fair ezoba ngoNcwaba (August) eNkosi Albert Luthuli Convention Centre, eThekwini, kulo nyaka.
Uma ufisa ukuba yingxenye yalo mkhankaso kakudingeki isipiliyoni noma izithombe ezithwetshuliwe. Bonke abazokhethwa bazoqeqeshwa ukuthi kumodelwa kanjani.
Abafisa ukungenela lo mkhankaso wokuhlungwa kwabakhangisi kumele babe nomzimba okahle babe phakathi kweminyaka eli-16-35 baphathe umazisi ngosuku lokuhlungwa.
Abesifazane kumele babe nobude obuyi- 1,75 metres, ukhalo lube phakathi kuka 90-92cm, bangasebenzisi iziphaquli eziningi, bagqoke izimpahla ezibabamba thaqa kodwa hhayi ama- jean, bagqoke nezicathulo eziphakeme.
Abesilisa kumele babe nethambo lobude elingu-1,83 metres bagqoke u-30-32 okhalweni, bagqoke i- t-shirt noma ishethi nezicathulo ezivalekile hhayi amateku ngosuku lokuhlungwa.
Ukuhlungwa kwethalente kuzoba seDurban Exhibition Centre ku-Hall 6 maqondana naseWorkshop Shopping Centre ngoLwesihlanu mhlaka-9 no-010 March, kuqalwa ngehora lesi-9am.