UMKHANDLU UYAHOXA EKWESEKENI EYEZITEKI
UYAQHELA ekwesekeni imiqhudelwano yeziteki umasipala waseMthonjaneni osuqale uhlelo lokudlaliswa kukanobhutshuzwayo ezigcemeni ngenhloso yokusabalalisa lo mdlalo.
Imidlalo yezigceme izohambisana neyeMayoral Cup iphinde ilungiselele ama-Salga Game aba minyaka yonke ngasekupheleni konyaka.
USibonginkosi Biyela oyiMeya yaseMthonjaneni uthe bazoqhubeka nokubambisana noRoger Sikhakhane ololonga iRoyal Eagles noSiphelele Mthembu ongumgadli weFree State Stars ekuvundululeni amakhono. Bobabili badabuka eMthonjaneni, kanti banemidlalao yabo abayihlela ngokwahlukana. USibiya uthi akakukhuthazi ukuthi bahlele imidlalo okuzokhokhwa kuyona ngoba intsha kayisebenzi. Bekuvulwa izinkundla iLumbi Sports Field neMabhense Sports Field. Lezi zinkundla zizokwazi nokusingatha nezinye izinhlobo zemidlalo nemicimbi eyahlukene ethinta umphakathi. philanin@ilanganews.co.za