NGABE WUSUKU LWAKHO LOKUZALWA NAMUHLA? PISCES (Feb 19-March 20)
UNESIBINDI sokwenza nokukhuluma izinto abanye abangazinakile. Into ebuye ikubambezele empilweni yakho wukuthi ubuye ube nongabazane noma singekho isidingo ezintweni okumele uzenze manje.
ARIES (March 21-April 19)
UKUZETHEMBA kuwumgogodla wokunqoba kwakho. Ungabanaki abanye ukuthi baphawula bathini ngawe kodwa gxila kulokho okholelwa kukona okuzokusa phambili.
TAURUS (April 20-May 20)
UZOPHOQELEKA ukuba uhlunge uhlobo lwabantu ophila nalo uma ufuna ukuthula emoyeni. Ungagxili ezimweni ezizodla kakhulu imali yakho bese zingakubuyiseli ngalutho.
GEMINI (May 21-June 21)
UZOKUBA nesikhathi esiningi kakhulu wedwa, wenze izinto ezizogcina umqondo wakho unokugijima okukhulu. Bakhona abantu abazobona ukuthi usubabeke eceleni empilweni yakho.
CANCER (June 21-July 22)
IZINGA lokucabanga kwakho lingathuthukisa nguwena ngokwenza izinto ezinobuhlakani. Uphatheka kabi uma ubona uphahlwe ngabantu abangawaboni amagalelo akhona banga b u h lo n iphi ubuhlakani bakho.
LEO (July 23-August 22)
UNEZINHLELO eziqhubekayo onazo kodwa uyabona ukuthi kukhona abazama ukukuphazamisa. Uyazazi uphumaphi futhi uyazazi lapho ophokophelele khona.
VIRGO (Augt 23-Sept 22)
UNOVALO lokuthi izinhlelo zakho zizofezeka kahle yini. Ungalinge ungabaze umbono wakho namandla akho. Unomqondo okhaliphile ngakho akumele uvumele abanye bakwenze ucabange njengabo.
LIBRA (Sept 23-Oct 22)
UBUYE ufise ukuqhela kancane ezintweni ezithinta ubudlelwano uma kukhona okukuphule umoya. Izinqumo zakho kumele uzihlaziye zonke ngaphambi kokuba uzithathe.
SCORPIO (Oct 23-Nov 21)
UZOKUBA nomqondo wokuhlaziya uhlobo oluthile lwabantu. Abanye bazokubonga ngosizo obasize ngalo. Izinto ezingakuphathi kahle ebudlelwaneni ubuye ungazikhulumi, uzidube nje.
SAGITTARIUS (Nov 22-Dec 21)
AWUTHANDI ukuphila impilo enokuxokozela kodwa uthanda impilo enokuthula. Izinqumo ezinhle zikwenza ubone ikusasa lakho liqhakazile kakhulu.
CAPRICORN (Dec 22-Jan 19)
UBONA umehluko omkhulu wempilo yakho uma uqhathanisa nangesikhathi esedlule. Uzoqaphela uhlobo lwabantu enishayisana nalo uphinde ufise ukugudluka eduze kwalo. Kunezimo okumele ungaziphoqi
AQUARIUS (Jan 20-Feb 18)
ITHUBA olitholayo gxila kakhulu kulona. Lapho ozibona khona ukuthi unamandla yikona okumele ukwenzisise. Ubuye uzigqilaze wena ngemicabango yakho. ABANTU bakubuka ngezindlela eziningi ezahlukene. Nokho okusemqoka akukona ukuthi abantu wena bakubuka kanjani, wukuthi wena uzibuka kanjani.