UQINE IDOLO UMQEQESHI WAMABHOKOBHOKO
USITHAKE ngabadlali abanesipiliyoni nenjejane isikwati samaBhokobhoko uRassie Erasmus, ongumqeqeshi waleli qembu elizogadulisana neWales ngaphambi kokugijima imidlalo emithathu enzima ne-England ngoNhlangulana (June).
Ngesikhathi ememezela isikwati sakhe ngempelasonto u-Erasmus, uqoke nabadlali abangu-17 abangakaze badlubhe ijezi laleli qembu alibumba kabusha. Uqoke abadlali baphambili abangu-24 nabasemuva abangu-19.
“Abadlali bakwazi kahle esikulindele kubona. Kumele basebenze kanzima esikhathini esifushane ukulungela umdlalo weWales neye-England. Siyazi ukuthi yomibili le midlalo izokuba nzima kakhulu.
“Ngihlabeke umxhwele ngabadlali abasebancane esibaqokile ngendlela abadlala ngayo emaqenjini abo (kwiSuper Rugby).
“Nokho sonke siyazi ukuthi isipiliyoni sibaluleke kakhulu kule midlalo. Sibaqoke ngokucophelela bonke abadlali ngethemba lokuthi bazosenzela umsebenzi esiwudingayo.
“Ngineqholo ngesikwati esisiqokile futhi ngiyazi ukuthi kusona sizokwazi ukuqoka iqembu elizobhekana ngempumelelo nayo yonke le midlalo esizoyigijima ngoNhlangulana,” kusho u-Erasmus.
AmaBhokobhoko azovula le midlalo ngokugadulisana neWales ngoMgqibelo eWashington DC, bese ebuyela kuleli ukuzobhekana ne-England kwiCastle Larger Incoming Series.
Umdlalo wokuqala wala mazwe uzokuba mhla ka-9 e-Emirates Airline Park, eGoli, kuthi mhla ka-16 agadulisane eBloemfontein, bese evala ngozokuba mhla ka-23 ku- Nhlangulana eCape Town.
Nizaam Carr (Stormers), Bismarck du Plessis (Montpellier, France), Dan du Preez (Sharks), Jean-Luc du Preez (Sharks), Pieter-Steph du Toit (Stormers), Thomas du Toit (Sharks), Jason Jenkins (Bulls), Steven Kitshoff (Stormers), Siya Kolisi (Stormers), Wilco Louw (Stormers), Frans Malherbe (Stormers), Bongi Mbonambi (Stormers), Oupa Mohoje (Cheetahs), Franco Mostert (Lions), Tendai Mtawarira (Sharks), Ox Nche (Cheetahs), Sikhumbuzo Notshe (Stormers), Trevor Nyakane (Bulls), Marvin Orie (Lions), Chiliboy Ralepelle (Sharks), Kwagga Smith (Lions), RG Snyman (Bulls), Akker van der Merwe (Sharks) noDuane Vermeulen (Toulon, France).
Lukhanyo Am (Sharks), Curwin Bosch (Sharks), Damian de Allende (Stormers), Faf de Klerk (Sale Sharks, England), Robert du Preez (Sharks), Aphiwe Dyantyi (Lions), Andre Esterhuizen (Sharks), Warrick Gelant (Bulls), Travis Ismaiel (Bulls), Elton Jantjies (Lions), Jesse Kriel (Bulls), Willie le Roux (Wasps, England), Makazole Mapimpi (Sharks), Sibusiso Nkosi (Sharks), Embrose Papier (Bulls),
Handre Pollard (Bulls), Frans Steyn (Montpellier, France), Ivan van Zyl (Bulls) noCameron Wright (Sharks).
Stormers 23, Lions 26; Bulls 28, Brumbies 38; Reds 15, Highlanders 18; Chiefs 39, Waratahs 27; Jaguares 29, Sharks 13; Rebels 40, Sunwolves 13; Crusaders 24, Hurricanes 13.