Uqiniswe idolo ngumfowabo ngeBucs
UNsimbi uyala uThami ukuzibamba ziqine
USIYABONGA “Nsimbi” Sangweni uqinisa idolo umfowabo, uThami, odonsa kanzima ukuthola isikimu kwi-Orlando Pirates ayijoyine ngesizini edlule esuka kwiChippa United.
USiyabonga uthi kumqoka ukuba uThami angabanaki abantu abamgxekayo, kodwa azazi yena ukuthi usayinele ukuyokwenzani kwiPirates.
“UThami ngihlale ngixoxa naye. KwiPirates iyashisa insimbi. Kumqoka ukuba azinikele ngokuphindiwe nxa enikwa elinye ithuba.
"Akumele aziqhathanise nami ngoba mina bengidlala emuva yena udlala esiswini. KwiPirates kudingeka umuntu onenkani, ongaliphonsi kalula ithawula.
"UThami kuningi asazokwenzela iPirates, yinqobo nje nxa ekholelwa kuyena futhi ezethemba,” kusho uNsimbi.
UThami kubukeka ehluleka IRUSSIA iqhubekile nokujabulisa abalandeli bayo ihlula iSpain ngo-4-3 sekukhahlelwa amaphenathi emdlalweni wesigaba sika-last 16 kwiNdebe yoMhlaba eqhubeka kuleliya lizwe. Umdlalo uphele kungu-1-1 ingekho evuma ukugoba uphondo. ISpain kubukeka kuqhubeke ishobolo layo leminyaka njengoba ingakaze ihlule osokhaya emidlalweni yalo mqhudelwano. Leli qembu lixoshe umqeqeshi, uJulen Lopetegui sekusele usuku olulodwa ukuba kuqale le midlalo ngoba eseqashwe yiReal Madrid yaseSpain. Igijime le midlalo seyiholwa nguFernando Hierro.
Kweminye imidlalo yesigaba sika-last 16, i-Uruguay ihlule iPortugal ngo2-1 kwathi iFrance yaxebula i-Argentina ngo-4-3 ngoMgqibelo. IFrance ne-Uruguay bazobhekana kwi-quarter-final kanti iRussia isizodlala nonqobe phakathi kweCroatia neDenmark abagijime izolo ebusuku. ukuzakhela igama emakilabhini amakhulu aseGauteng kwazise eminyakeni embalwa edlule usayiniswe yiMamelodi Sundowns esuka kumaZulu FC ayevutha engabaselwe kuwona futhi egijima naseqenjini lesizwe lakuleli, iBafana Bafana.
Nokho waboshelwa emidlalweni embalwa maqede waphenduka ukudla kwebhentshi.
Ujoyine iBucs eyinsika kwiChippa njengoba nakhona esefana nefenisha kule kilabhu ecijwa nguMilutin “Micho” Sredojevic osizwa nguRhulani Mokwena oyisithandwa sabadlali abaningi njengoba ethathwa njengojenene ekubakhuthazeni ukukhipha lonke ikhono abanalo enkundleni, futhi bexhumana kalula naye.
UNsimbi ubehlele iSiyabonga Sangweni Youth Month Celebration and Mayoral Sports Day eqale ngoLwesine yasongwa izolo ngeSonto eMpangeni.
UNsimbi uthi uyayibona indawo kaThulani “Tyson” Hlatshwayo kwiBucs. UHlatshwayo uyisitobha seBidvest Wits osekunesikhathi eside emataniswa nePirates.