Ubhilitile umalaleveva eningizimu ye-Afrika
esebeletha. Lokho-ke kuyaye kubizwe nge- congenital malaria.
IZIMPAWU ZASO
Ongenwe yilesi sifo uqala ukubonakala emuva kwezinsuku ezingu-10 kuya kwezingu-28 kusuka engenwe yigciwane. Phakathi kokunye ongabonakala ngakho yilezi zimpawu: ukukhathala njalo, ukuphalaza nekhanda elibuhlungu, wukuqhaqhazela, wukuzwela ukushisa, wukujuluka kakhulu, ubuhlungu besisu, isihudo, wukuqaqanjelwa wumzimba, yindle enegazi nokuquleka. UKUSIHLOLELA
Udokotela angathola uma uhlaselwe yigciwane likamalaleveva. Uyabheka ukuthi ingabe isibindi noma ubende lwesiguli luvuvukele na. Uma isiguli sikhombisa izimpawu zaso udokotela angathatha amasampula egazi ayohlolwa ukuze abe nesiqiniseko. Lokho kuhlola kuyaveza ukuthi:
isiguli siphethwe luhlobo luni lwalesi sifo;
ingabe igciwane lelo ayizweli yini imishanguzo kulona na; isiguli sintula igazi ( anemia); nokuthi isifo asikahlaseli yini izitho zomzimba ezibucayi.
UKUDLANGA KWASO
Lezi zimpawu ezilandelayo zikhombisa isigaba esibucayi isifo esisuke sesikusona:
wukuvuvukala kwemithambo yegazi ebuchosheni;
ukwakheka koketshezi emaphashini olubangela ukuphefumula kanzima;
ukukhondama kwezinso, yisibindi noma wubende;
ukuntuleka kwegazi ngenxa yokulimala kwezinhlayiya zegazi ezibomvu; izinga eliphansi likashukela. Njengoba sekushiwo isiguli esingenwe wuhlobo olubizwa nge- P. falciparum singaba sengcupheni yokushona, futhi ukuselapha kudinga ukuba isiguli sihanjiswe esibhedlela. Udokotela unikeza imishanguzo ehambela
na nohlobo lukamalaleveva.
Uhlobo olubangelwa ngamagciwane ohlobo lwe- P.vivax ne- P.ovale lunezigaba ezenzeka esibindini isikhathi eside okungase kwenze sibuye siqubuke kabusha. Uma lokhu kwenzeka, isiguli sinikezwa eminye imishanguzo yokusivimba singaphindi sibuye lesi sifo.
IZABA ZOKUSIVIMBELA
Uma uzohambela endaweni lapho lesi sifo sichithekile khona, kusemqoka ukuba uthole ukugonywa. Ukulala uzemboze ngenethi kuyalekelela ekuvimbeleni ukutinyelwa womiyane. Kuyasiza nokuzifutha esikhumbeni ngesixoshanambuzane ( bug spray) esine-DEET. Kuba kuhle futhi ukuba nebalazwe elibonisa izindawo ezinesifo sikamalaleveva ukuhlala uhlomile nxa uzokuya kuzona.