UMVOTI UGCULISEKILE NGABADLALI
SIGCULISEKILE ngezinga labadlali baso isikhulu soMvoti FC ozovovana inkani neSummerfield Dynamos koweSouth African Football Association (Safa) KZN ABC Motsepe League ngoMgqibelo ngo-15h00 eChatsworth Stadium.
UBonginhlanhla Gwala oyisikhulu soMvoti exoxa neLAN
izolo ngoLwesithathu ekuseni uthe indlela ababumbe ngayo ikilabhu ihluke kakhulu kunangesizini eyedlule.
Uthi akumtatazelisi ukuthi ikilabhu yakhe sekunesikhathi eside ingayitholi imiphumela egculisayo njengoba ingakaze inqobe emidlalweni emithathu eyedlule.
Uthi kufanele abalandeli bebho- la bakuqonde ukuthi umqeqeshi (uJulius Dube) usemusha usahlanganisa iqembu. Uthi umdlalo wabo neDynamos unzima kwazise bobabili babukeka benezinhloso ezifanayo zokunyukela kwiNational First Division (NFD) ngesizini ezayo.
URonnie Gabriel ocija iDynamos ehleli esicongweni kwilog utshele leli phephandaba ukuthi amalungiselelo omdlalo ahamba kahle.
Uthi ukucinana kwemidlalo kuzokwenza amakilabhu amaningi ahluleke wukugcina umgqigqo.
Uthi uyabathemba abadlali bakhe ukuthi bazowunqoba lo mdlalo.
* Isiyonke imidlalo yeSafa KZN ABC Motsepe League ihlelwe kanje:NGOMGQIBELO EWorkington: GWP Friends vs Ashley United 12h00.
EFNB Wadley: Edendale Juventus vs Happy Wanderers 15h00.
EMkhomaas: X1 Experience vs Milford FC 15h00.
E-Eastbury Grounds: Rainham Sporting vs Natal United 15h00.
EChatsworth: Summerfield Dynamos vs uMvoti FC 15h00.
EKing Zwelithini: Durban FC vs KwaDukuza FC 15h00. NGESONTO ESugar Ray Xulu: Dabeka Sporting vs Ladysmith United 12h00.