UTHEMBSIE UKHALILE EWINA IZINDONDO

Ilanga - - Ziyasha - LUCKY CAIN [email protected]

UKHIHLE isililo waswela amazwi umlingisi wodumo lomdlalo owuchungechunge ehlabana nezindondo emcimbini weDstv Mzansi Viewers Choice Awards eSandton ngoMgqibelo.

UThembsie Matu ugoduke nezindondo, eyeFavourite Actress neyosuku yeViewers Choice.

Lo mlingisi udlala indawo kaPetronella emdlalweni owuchungechunge, iThe Queen, okhonjiswa kuMzansi Magic Channel 161.

Ezibongela lo mlingisi ngokuvotelwa ngabalandeli ukhihle esikaNandi.

“Angazi kumele ngithini ngaphandle kokuthi ngiyabonga kakhulu,” kusho lo mlingisi echiphiza izinyembezi.

Kulo mcimbi, kuphinde kwahlonishwa nenkakha yomculo wokholo, uRebecca Malope.

URebecca naye wenze esifanayo noThembsie njengoba evele wakhala ngesikhathi ehlonishwa. Ube esenxusa abantu ukuba baweseke amaciko akuleli ngoba abhekana nezinkinga eziningi kungekho muntu owalalelayo.

Umcimbi wangoMgqibelo ubudlise ngengqephu nosaziwayo bephume ngobuningi.

Newspapers in Zulu

Newspapers from South Africa

© PressReader. All rights reserved.