UMICHO UDALULA OKUHLULISE I-CHIEFS

Uthi bebevele bazi ukuthi bazowunqoba umdlalo weziMpofana

Ilanga - - Front Page - SENZO SOKHELA

UMQEQESHI we-Orlando Pirates uveza ubuthaka beKaizer Chiefs akholwa wukuthi yibona obenze bayiqumba phansi.

IBucs iguqise ngo-2-1 omkhaya bayo iKaizer Chiefs kwi- semi final yeTelkom Knockout ngoMgqibelo ntambama eMoses Mabhida Stadium, eThekwini.

Amagoli eBucs abekwe enethini nguThembinkosi Lorch noJustin Shonga, eleChiefs lashaywa nguLeonardo Castro.

UMilutin “Micho” Sredojevic ( osesithombeni) ololonga iBucs uthi baye kulo mdlalo bazi ukuthi bazowunqoba.

“Ngesikhathi kumenyezelwa ukuthi sizobhekana neChiefs, sivele sajabula ngoba besazi ukuthi sizodlula saqala ngaleso sikhathi sayihlelela.

Inkinga yayo enkulu wudonga lwasemuva aluxhumani ngendlela lunjalo nje alusheshi.

Sisebenzise ijubane ukuludabula ngoba besazi ukuthi yilapho bebuthaka khona.

Bekusifanele ukudlula kulo mdlalo besiwuthwele negoli aba- litholile balinikwe yithina asizange sixhumane kahle emuva.

Ngizothanda ukubonga ithimba labaqeqeshi, abadlali nabalandeli bethu ababe wusizo olukhulu kithina kulo mdlalo ngaphandle kwabo besingeke sibe yilutho,” kusho uSredojevic.

Ebuzwa ukuthi kungani engamudlalisanga uBen Motshwari oyinjini esiswini uthe:

“UMotshwari ulimale sigijima owesihle neTTM ngeledlule.

Besilokhu sihlalele ethembeni ngebhadi odokotela bathi akakulungele ukudlala.

Ngikholwa wukuthi uMusa Nyatama uwenze kahle umsebenzi.

Kufanele sibahloniphe abadlali esinabo ngoba bonke balana ngoba kubafanele,” kusho uSredojevic.

Newspapers in Zulu

Newspapers from South Africa

© PressReader. All rights reserved.