KUZODINGIDWA OLOKUJEZISA IZINGANE EMAKHAYA
KUZODINGIDWA udaba lokujeziswa kwezingane ngoswazi namuhla ngoLwesine, eNkantolo yoMthethosisekelo.
Le nkantolo yakwenqabela ukujeziswa kwezingane ngoswazi phansi kwezimo zokuvalelwa ngo-1995 nasezikoleni ngo-2000; kulolu daba kuzodingidwa ngokunqabela ukujezisa (umntwana) ekhaya.
Okwamanje umthetho wemvelo ovikela “ukujezisa ngenhloso yokwakha‚" uvumela abazali ukuba bashaye abantwana babo ngephuzu lokuthi ukujezisa ngoswazi kuyindlela yokufaka inhlonipho.
Isitatimende seGender Justice esikhiphe izolo ngoLwesithathu, sithi: “Umbuzo osezithebeni zeNkantolo yoMthethosisekelo ngothi ngabe lokhu kusamele yini kuvunyelwe ukuba kuqhubeke noma kumele nakho kuvalwe ngoba kunyathela amalungelo ezingane."
Udaba lumayelana necala elidlulisiwe ngesinqumo esenziwe ngoMfumfu (October) 2017 yiNkantolo eNkulu yaseSouth Gauteng, esichitha ukuvikela iphuzu lokujezisa ngenhloso yokwakha.