UPROFESSOR NGUBANE NESIKHUNGO SOKUQEQESHA ABADLALI BEBHOLA
UMLUNGISI “Professor” Ngubane ohlonishwayo ebholeni lakuleli usezinhlelweni zokusungula isikhungo sokuqeqesha abadlali abasebancane esingase siqale ukusebenza ngonyaka ozayo.
Kuthiwa uNgubane umatasa uxoxa nabaphathi baseBrettonwood High School ahlela ukuthi lesi sikhungo sisebenzele khona.
UNgubane kuvela ukuthi uhlela ukusebenza nabaqeqeshi abanezitifiketi zokuqeqesha zeSouth African Football Assoiciation (Safa).
Uhlela ukuba nesikwati sikaU/13, U/15, U/17 no-U/19.
UNgubane, exoxa neLANGA izolo ngoLwesithathu, uthe izingxo-xo sezizophothulwa nabathinteka-yo. Uthi uke waya kubaphathi ba-seBrettonwood sekuyahlangana. Uthi kungenzeka athole uxhaso enkampanini enkulu exhase enye yamakilabhu amakhulu aseGau-teng. Uthi uhlela nokuxhumana noNgqongqoshe wezemidlalo esifundazweni uBongi Sithole-Moloi ngenhloso yokuthi lo mnyango ufake isandla.