UCACISA NGOKUZIPHATHA U-MOURINHO
UPHUMELA obala ngokujabula ngokujikijela ibhodlela enkundleni uJose “The Special One” Mourinho ongumqeqeshi weManchester United ehlule ngo1-0 iYoung Boys yaseSwitzerland kowe-Uefa Champions League ngoLwesibili.
Lo mqeqeshi uphinde wakhombisa ukunengeka ngokugeja kukaMarcus Rashford ithuba elilula. UMourinho uthi konke obekwenzeka bekudalwa yizimo zomdlalo.
IRed Devils ilanyulelwe nguMarouane Fellaini ovalele igoli sekusele kancane kuphele umdlalo. Ukunqoba kwezikaMourinho, kuzenze zangena esigabeni somkhumulajezi kulo mqhudelwano.
“Izinto bezisiphika kulo mdlalo. Lokhu kungenze ngaphuka umoya. Besilokhu sikhanda amathuba kodwa sigeja epalini. Ukungena kwegoli kungenze ngajabula ngendlela ekhombisa ukunengeka.
"Ukuthi bese kunesikhathi ngilindele igoli, lingaqhamuki. Nakho ukushweba kukaRashford, kungenze ngaphithanelwa yikhanda.
"Nokho-ke kangisoze ngadinelwa umdlali ngokushweba igoli. Lokhu kuyingxenye yomdlalo. Iminyakazo eminingi yethu uRushford uba yingxenye yayo, okusho ukuthi umqoka lapha ekilabhini. Selokhu ngaqala ukuqeqesha angikaze ngidinelwe umdlali ngoba nakhu nje eshwebe igoli elilula,” kusho uMourinho.
Imidlalo ye-English Premiership kule mpelasonto ihlelwe kanje: KUSASA NGOLWESIHLANU Cardiff City vs Wolverhampton Wanderers 22h00. NGOMGQIBELO Huddersfield Town vs Brighton & Hove Albion 17h00.
Manchester City vs AFC Bournemouth 17h00.
Newcastle United vs West Ham United 17h00. Crystal Palace vs Burnley 17h00. Leicester City vs Watford 17h00. Southampton vs Manchester United 19h30. NGESONTO Chelsea vs Fulham 14h00. Arsenal vs Tottenham Hotspur 16h05. Liverpool vs Everton 18h15. EyeSpanish La Liga ihlelwe kanje: KUSASA NGOLWESIHLANU Rayo Vallecano vs Eibar 22h00. NGOMGQIBELO Celta de Vigo vs Huesca 14h00. Real Valladolid vs LeganÈs 17h15. Getafe vs Espanyol 19h30. Real Madrid vs Valencia 21:45 NGESONTO Real Betis vs Real Sociedad 13h00.
Girona vs AtlÈtico Madrid 17h15. Barcelona vs Villarreal 19h30. Deportivo AlavÈs vs Sevilla 21h45. NGOMSOMBULUKO Levante vs Athletic Club 22h00. EyeSerie A yase-Italy iqhathwe kanje: NGOMGQIBELO SPAL vs Empoli 16h00. Fiorentina vs Juventus 19h00. Sampdoria vs Bologna 21h30. NGESONTO Milan vs Parma 13h30. Torino vs Genoa 16h00. Frosinone vs Udinese 16h00. Chievo vs Lazio 19h00. Roma vs Internazionale 21h30. NGOMSOMBULUKO Atalanta vs Napoli 21h30.