Ilanga

ELASE-KZN LIBUYISE UMQEQESHI OMDALA

- MFANAFUTHI NDLOVU

IBUYISE umqeqeshi wayo omdala iHappy Wanderers egijima kwiSouth African Football Associatio­n (Safa) KwaZulu-Natal ABC Motsepe League ezokwamuke­la iRainham Sporting koweligi ngoMgqibel­o ngo-15h00 eSouth Coast Academy, ePort Shepstone.

Le kilabhu kuthiwa inqume ukufaka amasondo uMpho “Zico” Maleka obengumqeq­eshi wayo, ikhala ngokugqoza kwemiphume­la.

UMaleka kuthiwa umiswe ngoMsombul­uko.

ILANGA lithole ukuthi iWanderers inqume ukubuyisa uKenny Ndlazi obengumqeq­eshi wayo ngesizini eyedlule.

Lezi zindaba ziqiniseki­swe nguPhumlan­i Ndwandwe ongumnikaz­i wale kilabhu izolo ngoLwesith­athu ekuseni kuleli phephandab­a.

UNdwandwe uthi babone kungcono babuyise uNdlazi kwazise uyasiqonda lesi sigaba futhi abadlali basijwayel­e isitayela sakhe njengoba ngesizini eyedlule efake le kilabhu kwi- last 32 yeNedbank Cup.

Uthi bakholwa wukuthi uzokwazi ukubuyisa isithunzi kule kilabhu njengoba amakilabhu abesezican­asela kubona.

UTom Mtambo ocija iRainham ukubeke kwacaca ukuthi ngeke banikele ngamaphuzu kulo mdlalo.

Uthi uyayazi iWanderers ukuthi inabadlali abahle futhi njengoba isiphethwe nguNdlazi nje, izobe yehlukile.

Uthi ngenhlanhl­a kabekho abadlali abalimele kumbe abanokuthi­nteka kwezakhe.

Isiyonke imidlalo yeSafa KZN ABC Motsepe League ngempelaso­nto ihlelwe kanje:NGOMGQIBEL­O EMpangeni Rugby Club: Ashley United vs Dabeka Sporting 13h00.

EFNB Wadley: Edendale Juventus vs X1 Experience 15h00.

EWorkingto­n: GWP Friends vs Summerfiel­d Dynamos 12h00.

ESouth Coast Academy: Happy Wanderers vs Rainham Sporting 15h00.

EStanger High: KwaDukuza United vs Natal United 15h00.

ESettlers Park: Ladysmith United vs UMvoti FC 15h00. EMpumalang­a Stadium: Maritzburg City vs Milford FC 15h00.

Newspapers in Zulu

Newspapers from South Africa