Uhlelo lokusiza abafundi
Bazokwazi ukuphucula imiphumela yabo, nabangaphasanga ubazosizakala
SEKUNOHLELO olusha, olubizwa ngeFace to Face Second Chance (Ubuso noBuso), oluqhamuke noMnyango wezeMfundo eyisiSekelo ngoba ukholwa wukuthi luzonika abafundi abangaphumelelanga kumatikuletsheni ithuba lesibili.
Umqondisi wezokubhalwa kwezivivinyo eMnyangweni wezeMfundo KwaZulu-Natal, uDkt Bunny Mthembu, uthe lolu hlelo luhle ngoba ngisho umfundi isifundo angasiphasanga ngokumgculisayo, unelungelo lokusibhala kabusha.
Uthi okwehlukile ngalolu hlelo wukuthi abafundi bazobe befundiswa bukhoma emakilasini njengoba behlelelwe izikhungo ezizokwenza lokhu isifunda nesifunda, iKwaZulu-Natal yonke.
“Uma umfundi ebona ukuthi akanelisekanga ngemiphumela yakhe, angakwazi ukucela ukuba amakelwe kabusha ingakapheli le nyanga. NgeFace to Face Second Chance, silekelela laba abasadinga ukufundiswa nguthisha,” kusho uDkt Mthembu.
Okhulumela uMnyango wezeMfundo KwaZulu-Natal, uMnu Muzi Mahlambi, uthi abafundi abafuna ukubhala kabusha ngoNhlangulana (June), kumele bakubhalisele lokhu kuze kube kuphela uMasingana (January).
Uthe ukubhala komfundi kuzoya ngokuthi usekulungele yini ngoba nangoZibandlela (December) kuzobe kusavumelekile - kuzoba yizigaba ezimbili enyakeni.
Utshele ILANGA ukuthi isifunda nesifunda kuhlelwe izikhungo ezisiza abafundi. Uthe bazobe bekhona othisha abafundisayo, nabafisa ukubhalisela izichibiyelo sebengafaka izicelo njengoba khona kuzoqalwa ukubhala mhla ka-2 kuNhlaba (May) kuze kuphothulwe mhla ka-14 kuNhlangulana. Imininingwane engasiza abafundi kuzona zonke izifunda zezemfundo KwaZulu-Natal, inje;-
AMAJUBA - E. Sithole: 083 944 3790, e-mail: nathisithole1@gmail. com HARRY GWALA - M. Memela: 072 252 7427 e-mail: Mondli. Memela@kzndoe.gov.za
ILEMBE - M. Zungu: 083 944 3790 e-mail: muzimanzini@gmail.com
KING CETSHWAYO - S. Moodley: 072 470 1285 e-mail: Tony.Moodley@ kzndoe.gov.za
PINETOWN - T. Luthuli: 083 320 6520 e-mail: thabaneluthuli@gmail. com UGU - O.Maharaj: 071 687 8542 e-mail: omesh.maharaj@kzndoe.gov.za
EMGUNGUNDLOVU - R. Nzama: 079 260 5654 e-mail: Thembi.Nzama@ kzndoe.gov.za
UMKHANYAKUDE - M.Thabethe: 074 699 7245 e-mail: musathabethe22@gmail.com
UMLAZI - P. Preethlall: 082 689 5458 e-mail: preerhlallpeter@gmail. com MZINYATHI - B. Naidoo: 084 566 2899 e-mail: Bala. naidoo@kzndoe.gov.za
UTHUKELA - T. Mazibuko: 083 226 6620 e-mail: thembelihlemazibuko@ yahoo.com ZULULAND - C. Buthelezi: 082 351 3499 email: chippa. buthelezi@yahoo.com