UKUDLA OKUNEMPILO EMUVA KUKANCIBIJANA
UQALILE unyaka, sethembe ukuthi bonke abantu amaholide abaphathe kahle, bachitha isikhathi nabathandiweyo nemindeni yabo. Ngaphandle-ke kokuchitha isikhathi nabathandiweyo bethu ngalesi esiphuma kusona, izidlo zikaKhisimuzi zisuke zingqangqa kumnandi kunjeyana, kunamabraai.
Sekuyisikhathi-ke sokubuyela, ezikoleni nokubuyela emzimbeni wakho ngaphambi kokuzitika ngezibiliboco zikaKhisimusi, ukhiphe wonke udoti!
Kubalulekile-ke ukuba sidle ukudla okunempilo phecelezi, i- balanced diet, nokuvuselela amasosha omzimba ngokudla okuzosiza ukhuculule umzimba ( detox) ngoba kuwugcina ukwazi ukusebenza kahle, ungaphazanyiswa ubuthi obukhiqizwa wukungadli kahle.
Ziningi-ke izindlela zokukhuculula nezokudla kangcono kule nyanga, kodwa ngizogxila ekudleni okunempilo. Qikelela ukuthi ngaphambi kokuba ulale, uphuza ingilazi yamanzi azokugcina umzimba wakho unamanzi anele. Uma uvuka ekuseni, qikelela ukuthi uphuza ingilazi yamanzi ngaphambi kokuba udle.
Qikelela ukuthi kawuseqi isidlo sasekuseni esinempilo, zama izidlo ezingenawo amafutha njengeJungle Oats, yingxubevange yezithelo ne- yoghurt ( smoothie) noma izithelo uzenze isaladi. Okubalulekile ngesidlo sasekuseni, kumele sibukeke, sikuhalise, zama ukuzinika isikhathi sokudla. Ithiphu elula yokukhuculula *Amanzi, ulamula, u- cucumber: kucwilise u-30 minutes ngaphambi kokukuphuza. Yenza i- juice wama- vegetable. I- carrot juice inezakhamzimba uVitamin A noVitamin C; yenziwa ngo- carrot, i-aphula, iwolintshi nejinja. Ungasebenzisa umshini wokuhla- nganisa lezi zitshalo, obizwa ngeblender ukuthola i- juice yazo.
Ungenza nengxubevange yamaaphula, ulamula nejinja - lona-ke ungakusiza ngisho kuthiwa uqalwa wumkhuhlane.
Ungazitika-ke nangokudla okunomsoco ukuzibuyisela emzimbeni wakho. Phakathi kwalokhukudla kungaba yi- spinach nesibindi esivuthwe kahle, hhayi ngokweqile.