ISASASA KUBUYA IYOBE NO-SEASON 2
KULINDELEKE ukuba njengoba selubuye neseason 2 luqhubeke nokuba nedumela kubantu baseNingizimu Afrika uhlelo lukamabonakude oludonse amehlo ngokwedlule olubizwa ngokuthi Yobe.
NgoLwesibili kuleli sonto kuqalile ukusakazwa kwalolu hlelo lokuthelelana amanzi phakathi kwabenzi bobubi nezisulu zabo. Lolu hlelo lusungulwe yinkakha yomlingisi uSiyabonga Twala odume ngegama likaMpiyakhe Zungu emdlalweni owuchungechunge Isibaya kuMzansi Magic Channel 161 kanti nguyena futhi ongumethuli walo.
Isiqephu sokuqala kwi- season 2 siqale ukusakazwa ngoLwesibili kuleli sonto esiteshini esizimele iMzansi Magic. Inhloso yalo wukuhlanganisa abenzi bobubi, izisulu kanye nemindeni yazo, kuthelelwane amanzi.
Lunikeza abenzi bobubi ithuba lokucela uxolo ngemuva kokuba sebedonse iminyaka abagwetshwe yona ejele.