ABAFUNDI BETHU BAPHAWULILE NGODABA LOWESIFAZANE OSOLWA NGOKUZALA AMAWELE WAWAGQIBA EHAMMARSDALE:
Kunale nto ebizwa nge- post natal depression (okuwukhwantalala oluphatha owesifazane osanda kubeletha ngenxa yokushintsha kwama- hormone, wukukhathala nokunye) ave ibaqedile abantu. Umuntu okhulelwe uyadinga ukwesekwa nokwelulekwa.
Kulula ukwahlulela entweni oyibonayo ungawazi umsuka wayo. Ngicabanga ukuthi lo sisi udinga usizo.
Le nto idinga ukujulelwa, bahlukumezekile abantu besifazane. Kumele lolu hlobo lwabantu lungaboshwa ngoba baboshwa bangalutholi nosizo kule nkinga yokhwantalala. Kayilapheki into uma ingakhulumekanga, inkantolo kayenzi okwenele.
(Inkinga) Inomuntu wesilisa phakathi ngoba ukube ubekhona ukumlekelela usisi, ubengeke ayenze le nto.
Ngaze ngamzwela ngoba leli dimoni elimngenile selimzuzile, likuyena. Sengathi ngelinye ilanga angathola amandla okulwa nalo aqonde ububi abenzayo, enze inhlambuluko athole intethelelo.
Bakwethu, ngisho ningagxeka nithini, ngeke uthwale ingane izinyanga eziwu-9 bese uzoyibulala futhi. Singambeka icala vele, kodwa kungenzeka ikhona inkinga futhi inkulu. Uma kungahlanganiswa umndeni wakhe nabangani ingaphuma le nkinga abhekene nayo.
Wayengazikhiphi ngani eqeda kuzwa ukuthi umithi?
Umphakathi-ke awuve uthanda ukuzenza izigayigayi ngoba sekufike abomthetho.
Isoka lisuke likuphi uma kwenzeka lokhu? Ngiyacabanga ukuthi nalo liyadingeka lithi ukunaba.
Umuntu onjani omitha izinyanga eziwu-9, azizale azigqibe noma azilahle?
Ayikho into emnandi njengokuhlala nengane yakho uyizwa iqala ukukhuluma, ikuvusa ekuseni ikukhalela, ikungcolisa.
Ngashiywa ngubaba wengane, angikaze nje ngicabange ukulahla ithemba lami.
Usisi uyawudinga umkhuleko nokwelulekwa ngokomqondo, kukhona okumxakile, ubengeke ahlale izinyanga eziwu-9 nalezi zingane ekugcineni azibulale. Ave kubuhlungu nokubeletha. ebuhlungu kunabantu abaneminyaka emshadweni kodwa abangabatholi abantwana, besekuba khona abantu abazovele balahle izingane kanje.