OXOSHWE YI-ARROWS USEKHONJWA KWI-CHIPPA

Ilanga - - Ezemidlalo -

UCLINTON Larsen angase aqokwe njengomqeqeshi omusha weChippa United okuthiwa ixoshe uJoel Masutha emuva kokuba le kilabhu italajwe yi-Orlando Pirates ngo-4-2 kowe-Absa Premiership ngoLwesibili ebusuku e-Orlando Stadium, eSoweto.

Kulindeleke ukuba uLarsen athathe lesi sikhundla esesihlale abaqeqeshi abathathu kule sizini njengoba iChippa iqale isizini icijwa nguDan “Dance” Malesela oxoshiwe kwangena u-Eric Tinkler ofakwe umgxala kwathatha uMasutha ophikayo ukuthi usengumla- ndo kule kilabhu, uthe akakaziswa lutho.

Le kilabhu isanda kubuyisa uWanda Mbenguzana owashiya ngoba engezwani noPeter Koutroulis osanda kushiya kule kilabhu esiqashe noMorgan Mammila njesikhulu sayo esisha esiphezulu.

URodney Ramagalela ongumgadli wePolokwane City, umisiwe ukuzihlanganisa nale kilabhu ngenxa yokugoloza ukuvuselela inkontileka yakhe. Lo mgadli kuthiwa ugaqelwe yiSuperSport United neBucs.

Newspapers in Zulu

Newspapers from South Africa

© PressReader. All rights reserved.