NIKEZA UMNTWANA UKUDLA OKUNEMPILO
IMPILO yengane yakho ibaluleke kakhulu, njengoba sekuvulwe izikole nje, ibaluleke kakhulu kwazise yilapho okumele ithole khona imfundo ezoyiwelisela empumelelweni.
Yiculo elidala-ke ukuthi ingane ithatha kahle ezifundweni uma idlile, futhi idle okunomsoco. Odado abayoqala amabanga aphansi bezimisele, bajabulile, abanye bethukile kanti abanye bayakhala bafuna ukubuyela emakhaya.
Ukuqala isikole esisha nezinga elisha lempilo kumntwana wakho kusho okuningi kanti nendlela okumele adle ngayo ibaluleke kakhulu.
Ngike ngathola umbuzo komunye umfundi weLANGA mayelana nezidlo ezingalungela umntwana ofunda amabanga aphansi, okhale ngokuthi umntwana akadli futhi akazi ukuthi yini okufanele ayidle.
Kule ngosi yanamuhla ngizocobelela ngolwazi lohlobo lokudla olulungele abantwana abahamba inkulisa, namasu okuthi yini ongayenza uma umntwana engakuthandi ukudla.
OKUMELE UKWENZE
Njengoba abantwana behlala isikhathi esiyingxenye yosuku esikoleni, kubalulekile njengomzali ukuba ulwazi uhlobo lokudla oludliwa esikoleni sakhe ukuze ukwazi ukuhlela uhlu lokudla ozomenzela khona.
Thola umbiko kuthisha mayelana nokudla okudliwa ngumntwana esikoleni ukuze wazi ukuthi uzomenzelani uma sekuphume isikole. Uhlu lokudla ozomenzela khona umntwana wakho isonto nesonto, luhlele lube nezakhamzimba ezibalulekile. Kumele lube nezinhlobo ezahlukene zezakhamzimba okubalwa amacarbohydrate, ama- vitamin, amafutha, ama- protein namanzi.
Fundisa umntwana ukudla ama- vegetable ngokuwaqoba uwenze abukeke, ahambisane nesinye isidlo eceleni azokwazi umntwana ukugcobhoza.
Makube njalo noma wenza izithelo, ake uzame ukuziqoba bese umfakela i- yoghurt esitsheni, alokhu egcobhoza.
Le ndlela yokudla iyanconywa kakhulu, isiza nomntwana afunde ukuzidlela. Nciphisa uswidi nama- snack anosawoti kubantwana.
Uma umntwana uzomnika uswidi, usebenzise Ungaxhumana naye ku: 079 687 6852 monateconsultants@ gmail.com
Facebook: @