ABACULI BAQOLWA NGOMCIMBI KAKHUZANI

BAKHALA bayazithulisa abaculi bakamaskandi abathi baqolwe ngegama lesikhulu seZingane Zoma Music Production, uMnu Shobeni Khuzwayo, bethenjiswa ukuqoshwa ngaphansi kwale nkampani nokufakwa emcimbini ozokuba seMoses Mabhida Stadium, eThekwini ohlelwa nguKhuzani “Ndlamlenze‚" Mpungose.

Lo mcimbi kaKhuzani uzoba mhla ka-30 kuNdasa (March). Ngokuthola kwe

sekuqolwe abaculi abaningi kusetshenziswa inombolo kaMnu Khuzwayo kamakhalekhukhwini.

UMnyundeni Masondo ungomunye wabaculi bakamasikandi abathi bathole umqhafazo kaWhatsApp, obuvela kuMnu Khuzwayo ebathembisa ukuthi uzobazamela ukungena kulo mcimbi.

“Ngisukumele phezulu ngafaka imali engango-R3 000 esitolo ngoba ubethi uzongikhulumela noKhuzani, kwazise ngumfana wakhe, kanti-ke ngangicele nokuba angiqophe ngaphansi kwenkampani yakhe eminyakeni edlule ngase ngithemba. Ngaphambi kokuba ngifake le mali, ubeqale wathi angimthengele i- voucher yaseHollywood Bets," kusho uMnyundeni.

UMadoda Mhlongo, weqembu Ubuhle Bezintandane, uthi yena uqolwe u-R2 500 emuva kokuthola umqhafazo kuWhatsApp kumuntu obezichaza njengesikhulu senkampani yeZingane Zoma.

“Ngithenge i- voucher yaseHollywood, wathi uyangisiza ukuze ngizoqashwa emcimbini, ngiziveze kubantu. Ngivule amehlo uma esethi mangimfakele imali kapetrol ngoba ufuna ukuyongenzela isitifiketi esizokwenza ngiqashwe komasipala abahlukene uma kunemicimbi,” kusho uMadoda.

UMnu Khuzwayo uthi uqale ukuqaphela ukuthi kukhona okushaya amanzi uma ethi uyalufonela ucingo lwakhe lungangeni kuyena, kodwa lungena komunye umuntu.

Okhulumela amaphoyisa KwaZulu-Natal, uColonel Thembeka Mbhele, uthi icala libikwe esiteshini samaphoyisa aseDundee. mthobisis@ilanganews. co.za