KULINDELEKE UKUBA IJABULISE ABALANDELI I-SHARKS
KULINDELEKE ukuba iCell C Sharks iqhubeke nomgqigqo wayo wokwenza kahle emqhudelwaneni weVodacom Super Rugby njengoba izobhekana neBlues ngoMgqibelo ngo-15h15 eJohnsson Kings Park Stadium, eThekwini.
ISharks iya kulo mdlalo nje, ihambela phezulu emuva kokubhudluza iSunwolves yaseJapan ngo-45-10 ngeledlule kowokuvula walo mqhudelwano.
Ukunqoba lo mdlalo kuzokhuphula kakhulu ukuzethemba kuleli qembu laseThekwini kwazise nyakenye lenze kahle kakhulu libhekene namaqembu aseNew Zealand.
Nokho leli qembu laseThekwini kuzomele linyuse amasokisi uma lizimisele ngokuwagcina wonke amaphuzu ekhaya kwazise lidlala neqembu elingagayelwa mphako. Kulindeleke ukuba uRobert du Preez Junior aqhubeke nokutholela iSharks amaphuzu amqoka kulo mdlalo.
Kuzo ezeSuper Rugby, iLions kubhekeke ukuba iqhubeke nokwenza kahle kulo mqhudelwano njengoba izotholana phezulu neStormers engayiqalanga kahle le midlalo ithelwa othulini yiBlue Bulls ePretoria.
Leli qembu laseGoli lizoya kulo mdlalo lihambela phezulu emuva kokunqoba okokuqala kwelaseArgentina ngempelasonto lihlula iJaquares. KUSASA NGOLWESIHLANU Highlanders vs Reds 08h35. 06h15. Sunwolves vs Waratahs : Crusaders vs Hurricanes 08h35. Brumbies vs Chiefs 10h35.
Cell C Sharks vs Blues 15h15.
DHL Stormers vs Emirates Lions 17h15.
Jaguares vs Vodacom Blue Bulls 23h40.