Ilanga

LIGADLILE IZEMBE KWI-PMB CITY NE-ASHLEY

- MFANAFUTHI NDLOVU

LISHIYE kukhalwa izembe kwiSouth African Football Associatio­n KwaZulu-Natal ABC Motsepe League okubeke inqwaba yabadlali abagijima kulesi sifundazwe nekusasa elimnyama.

IMaritzbur­g City kaBongi Hlophe igencwe yizembe kwiMotsepe League ihlulwa yiMilford FC ngo-2-0 ngoMgqibel­o ntambama eMhlathuze Sports Complex, eRichards Bay.

Amagoli eMilford FC avalelwe enethini nguS’busiso “Mceli” Thabethe noHalisani “Tso” Vilakazi.

IMilford isizomince­la ukuthi iReal Kings ingagencwa yizembe kwiNFD bese iSummerfie­ld Dynamos ingene kwiNFD ngesizini ezayo.

I-Ashley United eholwa nguVusi Mthembu yakwaNdeng­ezi yona isizogijim­a kwiSAB League ngesizini ezayo yize ihlule ngo-2-1 iHappy Wanderers ngoMgqibel­o ePort Shepstone.

I-Ashley iqede ibambe ibhuleki ngamaphuzu angu-27.

I-X1 Experience ibambane kwathula umoya neSummerfi­eld Dynamos ngo-2-2 ngoMgqibel­o ntambama ePeter Booysens Stadium, eMgungundl­ovu. Amagoli e-Experience abekwe enethini nguSiphesi­hle Mzulwini noSiphesih­le Myeza kwathi aweDynamos ashaywa nguS’fiso Khumalo noMndeni “Casper” Zikalala odedele udalimede wegoli.

UDkt Xanti Pupuma ongumnikaz­i weMilford FC, ubonge uVezi Mkhwanazi oyimenenja noSiyabong­a Nene obecija le kilabhu ngomsebenz­i omuhle abawenzile.

UMsawakhe Nyadi ophethe i-Experience, ubonge abalandeli bale kilabhu abaphume ngobuningi ukuzoyesek­a.

Imiphumela yemidlalo yeSafa KZN ABC Motsepe League ihambe kanje:- Wanderers 1, Ashley 2; X1 Experience 2, Dynamos 2; Milford 2, Pmb City 2.

 ??  ??

Newspapers in Zulu

Newspapers from South Africa