UMNISI USIVIKELE ISICOCO SE-SA 50KM WALK CHAMPIONSHIP

UMTHUNZI Mnisi usivikele ngempumelelo isicoco sakhe seSouth African 50km Race Walk Championships ngoMgqibelo e-University of Pretoria, eTshwane.

UMnisi ogijima ngemibala yeAthletics Gauteng North (AGN) ubesenqoba lo mjaho okwesihlanu amahlandla elandelana. Ushaye intambo ngesikhathi esiwu-4:53:40 ebekwe ezithendeni ngu-Aaron Mahlangu waKwaZulu-Natal yena ogcine enze isikhathi esiwu-5:00:53.

Kwabesifazane ingqwele kube nguSandra Steenkamp ngesikhathi esiwu-5:58:49 naye we-AGN kwa-thi indawo yesibili yathathwa nguFundiswa Sandi weWestern Province Athletics ngesikhathi esiwu-6:16:43.

UWayne Snyman udle umhlanganiso kwi-20km eshiya uLebogang Shange ophethe irekhodi lakuleli kuleli banga ogcine engene isibili. UZelda Schultz ube yingqwele kwabesifazane.

UMengameli we-Athletics South Africa (ASA) u-Aleck Skhosana ubabongele bonke abadle umhlanganiso kulo mjaho kuwo wonke amabanga. Uphethe ngokuthi lo mjaho bekungowokugcina ngaphansi kwekhalenda le-ASA.

* Kusenjalo, uMbuleli Mathanga wePhantane Athletics Club noJenet Mbhele woMzimkhulu AC babe yizingqwele ngokwahlukana kobulili zeGreater Edendale 10km Challenge izolo ngeSonto eWadley Stadium, eMgungundlovu.

UMathanga ushaye intambo ngesikhathi esiwu-30:36 emiswe kabi nguSibusiso Kubheka kwathi uBonginkosi Zwane wathatha indawo yesithathu.

UJenet uqophe isikhathi esiwu-35:39 evule igebe lekhilomitha kuSanelisiwe Mbanjwa osanda kuhlomula ngendondo yegolide kwiSoweto Marathon kwathi uNcedile Nonina wangena isithathu.

* Komunye umjaho uMakwande Mngcwengi wo-Orcas Academy ube yingqwele yeBluff Marathon ngesikhathi esiwu-2:41:26 kwathi uNomthando Mlotshwa wanqoba esigabeni sabesifazane. UBrino Chidzungu noRobyn Greyling banqobe i-21km ngokwehlukana kobulili kwathi uWandile Ndawo noIrene Bohmer badla umhlanganiso kwi-15km kwabahambayo.

Imiphumela yeGreater Edendale 10km ihambe kanje, kwabesilisa: 1.Mathanga Mbuleli 30:36; 2.Sibusiso Kubheka 31:15; 3.Bonginkosi Zwane 31:19; 4.Thobani Chagwe 31:37; 5.Matekase Lefatsa 32:02; 6.Ayanda Ngcobo 32:08; 7.Maradona Ngcobo 33:42; 8.Lizwi Mbuyisa 34:04; 9. Dion Ross 34:13; 10.Bonang Manase 34:21.

Kwabesifazane: 1. Jenet Mbhele 35:39; 2.Sanelisiwe Mbanjwa 38:35; 3.Ncedile Nonina 40:25; 4.Zama Mokoena 43:06; 5.Slindile Hlatshwayo 44:03; 6.Anele Dlomo 44:30; 7.Minenhle Mncube 45:26; 8.Nokukhanya Memele 46:11; 9. Nonsikelelo Mbambo 46:51; 10.Fikile Sosibo 48:29.

Kwabahambayo kwabesilisa: 1.Owen Bengu 67:46; 2.Mose Nhlengethwa 68:08; 3.Deon Venter 80:03

Kwabesifazane: 1.Mary Mvelase 68:36; 2.Pam Collet 75:24; 3.Thabile Jili 97:39.

* EyeBluff Marathon, esigabeni esivulelekile kwabesilisa: 1.Makwande Mngcwengi 2:41:26; 2.Elijah Kanyenda 2:45:41; 3. Wandile Buthelezi 2:46:27. Ku-40 kuya ku-49: 1.Nkosinathi Ngcongo 2:48:58. Ku-50 kuya ku-59: 1.Allen Ndlovu 3:13:29. Ku-60 kuya ku-69: 1.Phillip Van Niekerk 4:13:57. Ku-70 kuya phezulu: 1.Neville Hallett 4:41:00.

Kwabesifazane: 1.Nomthandazo Mlotshwa 3:29:11; 2.Jodine Momberg 3:41:56; 3.Manuela Diener 3:44:48. Ku-40 kuya ku-49: 1.Manuela Diener 3:44:48. Ku-50 kuya ku-59: 1.Thembisile Mwelase 4:16:38. Ku-60 kuya ku-69: 1.Nomfanelo Dandala 5:41:54.

Eye-21km, kwabesilisa: 1.Brino Chidzungu 1:09:42; 2.Ncedisani Phungula 1:13:03; 3.Thulani Mdletshe 1:14:29. KU-40 kuya ku-49: 1Mlungisi Mthethwa 1:36:22. Ku-50 kuya ku-59: 1.Vivek Natasen 1:50:55. Ku-60 kuya ku-69: 1.Robin Legg 1:58:43. Ku-70 kuya phezulu: 1.Bernard Mosala 2:02:19.

Kwabesifazane: 1.Robyn Greyling 1:34:28; 2.Alison Uys 1:42:08; 3.Melissa Van Straaten 1:47:03. Ku-40 kuya ku-49: 1.Patricia Dammann 1:48:54. Ku-50 kuya ku-59: 1.Deidre Maree 1:51:41. Ku-60 kuya ku-69: 1.Sheree Kirsten 2:03:36. Ku-70 kuya phezulu: 1.Ivy Lottering 2:59:00.

Eyabahambayo ye-15km, kwabesilisa: 1.Wandile Ndawo 1:32:09; 2.Oxley Africa 1:35:00; 3.Denham Ferguson 1:45:49. Kwabesifazane: 1.Irene Bohmer 1:54:50; 2.Layle Rose Cathey 1:58:02; 3.Belinda Hope 2:01:33.