Uyabuya owokupinisa izimoto eThekwini
Kucelwa uhulumeni ukwakha ingqalasizinda
KULINDELEKE izinga eliphezulu kwi-2nd Annual Durban Spinfest okuwumjaho wokupinisa izimoto ozokuba ngeSonto lomhla ka-15 kuZibandlela (December) eWorkshop, eThekwini.
Lo mdlalo wokupinisa izimoto ungomunye wekhula ngesikhulu isivinini eNingizimu Afrika. Lo mdlalo kubhekeke ukuba ungenelwe ngabadlali abaphuma kulona lonke elakuleli.
U-Ayanda Ntsayintsayi ongomunye wabadidiyeli balo mjaho, uziqinisekisile izindaba zokubuya kwalo mdlalo ngesikhathi ekhuluma naleli phephandaba.
Uthi ngaphambi kokuba umdlalo uqale, kuzokuba ne-Expo ezokuba seThekwini lapho bazokube bezokwazisa khona umphakathi ngalo mjaho.
“Lo mdlalo wehlukile okwenza abantu abaningi bangawuqondisisi kahle.
"Baningi abantu asebeyingxenye yawo eNingizimu Afrika.
"Abamhlophe bayawenza kwazise banezindawo ezihlelekile futhi ezisemthethweni lapho bewenzela khona.
"Kwabamnyama abawenzayo bathathwa njengezigebengu ngoba bavele bawenzele noma yikuphi okugcina sekuphazamisa umphakathi.
“Inhloso yethu wukufaka lo mdlalo emphakathini wakithi omnyama. Sinesicelo esisodwa nje kuhulumeni, ukuba asakhele izingqalasizinda ezindaweni zethu ukuze lo mdlalo uzochuma kahle emiphakathini empisholo, ungadlalwa emigwaqweni kuphela.
"Besingajabula futhi uma ungafakwa nasezikoleni. Ngisanda kuthola ukuthi kukhona ezinye izikole eCape Town lapho usufakiwe khona,” kusho u-Ayanda.
Uqhube wathi kulo mqhudelwano waseThekwini kuzokube kunabadlali abazokube behamba nabazali babo. Uthi kunentombazane yaseKimberley eneminyaka ewu18 ubudala eyenza lo mdlalo, ubaba wayo ehleli eceleni kanti kuzokube kukhona nabanye abadlali abaneminyaka ewu-14 ubudala abazokube begila izimanga.
Uthi laba badlali abaneminyaka ewu-14 yize bengenawo amalayisensi kodwa lo mdlalo uyabavumela ukuba bapinise izimoto. Uthi ba
IYANDA imijaho yokuzibekisela indawo kwiComrades nakwiTwo Oceans Marathon ngokwahlukana egijinywa KwaZulu-Natal kulandela ukumenyezelwa kokuthi iBest of Best Marathon ehlelwe AmaRavens Athletics Club, nayo sekungeyokwenza izikhathi zokungenela le mijaho emikhulukazi kuleli.
Kuzokhumbuleka ukuthi ngesikhathi wethulwa lo mjaho, kwakuthiwe kakuwona owokuzibekisela indawo kwiComrades nakwiTwo Oceans Marathon. Nokho ukujika kwezinto kuqinisekiswe nguMthoko Khuzwayo ongusihlalo wale kilabhu.
Uthe batshelwe yiKwaZuluNatal Athletics (KZNA) ukuthi abasubathi abazobamba iqhaza kulo mjaho ozokuba mhla ka-29 kuNhlolanja (February) wonyaka ozayo, bazokwazi ukuthumela izikhathi zabo kule mijaho.
Lo mjaho uzokube uhlanganise ne-21km ne-10km kanti yonke izosukela eKings Park Athletics Stadium.
“Sibonga kakhulu kwiKZNA ngokusethemba. Ngikholwa wukuyakuqinisekisa ukuthi laba badlali kabangeni emgwaqweni bagcina ngokubukisa ngekhono labo endaweni evumelekile.
IYANDA IMIJAHO YOKUNGENELA I-COMRADES
thi sizokwazi ukufeza isifiso sethu sokuthola abasubathi abawu-6000 abazobamba iqhaza kulo mjaho. Okuhle ngalo mjaho wukuthi ugijinywa mhla ka-29 kuNhlolanja okuwusuku oluba kanye emuva kweminyaka emine.
“Ngiyacela ukuba abasubathi baphume ngobuningi babo kwazise umzila wethu muhle kakhulu njengoba ungenazo izintaba. Sesiqalile ukwamukela imingenelo. Abasubathi bangaya ezitolo zakwaPick n Pay kulo lonke elakuleli ukuze bakwazi ukubhalisa,” kusho uKhuzwayo.
Izingqwele ze-marathon zizohlomula ngo-R10 000 kanti kukhona neminye imiklomelo eminingi econsisa amathe. Abafuna ulwazi ngalo mjaho bangashayela uBobuhle Makham kwethi: 068 181 8088 noma uMbali Xaba kwethi: 084 792 2224.
Abasubathi baKwaZulu-Natal bazokhiphana inkani kwiStainbank 15km ehlelwe yiYellowwood Park Athletics Club. Abafuna ulwazi ngalo mjaho bangaxhumana neKZNA kwethi: 031 312 9374.