UFANISWA NOWAMANQAMU OWE-DOWNS NE-WITS KWI-MULTICHOICE DISKI

UFANISWA nowamanqamu umdlalo weMamelodi Sundowns Reserves neBidvest Wits Reserves abazodudulana emdlalweni weMultiChoice Diski Challenge (MDC) ngeSonto ngo-10h00 eLucas Moripe Stadium, eTshwane.

ISundowns Reserves isembangweni oshisayo neWits Reserves njengoba beshintshana ngokuqhwakela kwi- log. ISundowns Reserves ibuyele esicongweni ngemuva kokuhlula iLamontville Golden Arrows Reserves ngo-2-1 ngeledlule Ondini. ISundowns Reserves inamaphuzu awu-38 emidlalweni ewu-15. IWits Reserves isendaweni yesibili ngemuva kokuhlula iStellenbosch Reserves ngo-2-1 ngeledlule. IWits Reserves inamaphuzu awu-37 emidlalweni ewu-15.

Lo mdlalo yiwona obhekwe ngabomvu kule mpelasonto njengoba womabili la makilabhu esidedela isibhaxu. Ikhona neminye imidlalo yeMDC ezokube iqhubeka ezinkundleni ezahlukene.

Isiyonke imidlalo yeMDC kule mpelasonto ihlelwe kanje:NGOMGQIBELO E-NMU (Madibaz) Stadium: Chippa United Reserves vs Highlands Park Reserves 10h00.

EDobsonville Stadium: Kaizer Chiefs Reserves vs Maritzburg United Reserves 12h00.

ERand Stadium: Orlando Pirates Reserves vs AmaZulu Reserves 12h00. NGESONTO EThohoyandou Stadium: Black Leopards Reserves vs Golden Arrows Reserves 10h00.

E-Old Peter Mokaba Stadium: Polokwane City Reserves vs Stellenbosch FC Reserves 10h00.

ELucas Moripe Stadium: SuperSport United Reserves vs Bloemfontein Celtic Reserves 10h00.

EMalta Park Sports Ground: Cape Town City FC Reserves vs Baroka FC Reserves 10h00.

ELucas Moripe Stadium: Mamelodi Sundowns Reserves vs Bidvest Wits Reserves 13h00.

ISITHOMBE SITHUNYELWE KUSUKELA kwesobunxele nguZwi Magudulela oqeqesha u-Ayanda Mthembu, ngu-Ayanda oyingqwele yeWBF noSizwe Mthembu ngemuva kwempi ebingeSonto KwaNongoma.

USANELISIWE Mbanjwa ozomela iNingizimu Afrika kwi-International Association of Ultrarunners (IAU) ngoZibandlela.