Yisinqumo esiphusile ukuhlehliswa kokhetho
NGOKUJWAYELEKILE, akusona isinyathelo esihle ukuhlehlisa ukhetho lohulumeni basekhaya noma lukahulumeni omkhulu nowezifundazwe uma abasezikhundleni sebephelelwe yisikhathi sokulawula esibekiwe ngokwemithetho yezwe.
Kodwa isikhathi esiphila kusona kasijwayelekile, yingakho ikhomishini yokhetho, i-Independent Electoral Commission (IEC), yacela owabe elijaji lenkantolo yomthetho sisekelo, uMnu Dikgang Moseneke, ukuba enze uphenyo mayelana nokubakhona kokhetho lohulumeni basekhaya, obekufanele lube mhla ka-27 kuMfumfu (October) nonyaka.
Ikhomishini yathatha lesi sinqumo ngenxa yokwesaba ukuthi ukuhlasela kweCovid-19, kuzonqinda amaqembu ezombusazwe ukuba akhankasele ukhetho ngokungenazihibe, ngenxa yemithetho elawula isibalo sabantu a bavumele ke ukuhlangana endaweni eyodwa, ukugwema ukubakhona kwesiminyaminya esinga b h e b h ethe k i sa ukuthelelana kwabantu ngeCoronavirus, edala iCovid-19.
Ikhomishini ibinokwesaba ukuthi isivuvu sesifo sizokwenza abavoti babe madolonzima ukuphuma ngobuningi bayovota ngosuku lokhetho, ngoba besaba ukusuleleka ngaleli gciwane umkhuhlane walo osubhuqabhuqe izinkulungwane zabantu eNingizimu Afrika.
Ngeledlule uMnu Moseneke, utuse ukuba luhlehliswe ukhetho, ngesizathu sokuthi ngeke lwaba ngolukhululekile uma lwenzeka ngaphansi kwemibandela yesimo senhlekelele (Disaster Management Act) ebekiwe ukunqanda ukubhebhetheka kobhubhane. Nokho ubuye wancoma ukuba ungadluli uNhlolanja (February) wangonyaka ozayo lungabanga khona.
I-IEC izivume ngo- elethu lezi zincomo, yabe isithi izofaka isicelo enkantolo yokhetho ukuba ikuvume ukuhlehliswa kokhetho.
Noma leli phephandaba lingakukhuthazi ukuhlehliswa kokhetho, ngoba likholwa wukuthi uma umkhandlu kamasipala noma uhulumeni usuphelelwe yisikhathi esibekiwe kumthethosisekelo wezwe, kufanele ubeke phansi izintambo, siyakuqonda ukuthi lesi sikhathi esiphila kuso, k a s ejwayelekile. Okwenza ukuhlehliswa kokhetho k ungathokozi si, w ukwazi ukuthi imikhandlu eminingi ezweni iyizehluleki, kayizifezi izidingo zabantu.
Ukwelulelwa isikhathi, iqhubeke iphathe noma yehlulwa wukwenza umsebenzi ebekelwe yona kakuzwakali kahle, ngoba kusho ukuthi kalukho uguquko oluzokwenzeka empilweni yabantu kulo nyaka. Sikusho lokhu sazi kahle ukuthi ukukhethwa kwemikhandlu emisha, kungenzeka kungawenzi umehluko empilweni yabantu, kodwa kuthiwa ithemba kalibulali.
Sethemba ukuthi i-IEC izokwenza konke okusemandleni ukuhlela ukuba kube nokhetho olukhululekile engakapheli uNhlolanja wonyaka ozayo, noma ngabe kalukanqotshwa ubhubhane olusihlalise lubhojozi.
Ikhomishini ibinokwesaba ukuthi iCovid izokwenza abavoti babe madolonzima ukuphuma bayovota...