AWAKULELI ETHUBENI ELIHLE KWI-UNITED RUGBY CHAMPS
Gym, eqashwe nguZwilenkosi Magudulela osehola iLudonga Boxing Promotions.
Sekuwumlando ukuthi uMntungwa uyinqobile le mpi ebihlelwe yiMvelo Promotions kaNomvelo Magcaba-Shezi eMgungundlovu.
ANGASE azibekisele indawo emaqenjini awu-9 azogijima imidlalo yemikhumulajezi amaqembu amathathu akuleli njengoba le midlalo isifike kuvuthondaba.
ICell C Sharks yaseThekwini izovovana inkani nezikhondlakhondla zaseWales, iLeinster koweUnited Rugby Championship League ngoMgqibelo ngo-18h15 eHollywoodbets Kings Park Stadium, eThekwini.
IBulls izokwamukela iBenetton yase-Italy eLoftus.
IStormers yaseCape Town izovulela awakuleli indlela ngokubhekana neGlasgow Warriors ekhaya.
Uma enganqoba wonke la maqembu, azobe esengene ngomlenze owodwa kweyokuhlunga okungaba yinto ejabulisayo kwazise lo mqhudelwano kuyaqala ukuthi udlalwe uze uphele ngaphandle kwezihibe.
Nyakenye kwaphoqeleka ukuba amaqembu adlale ngokwamazwe ngenxa yeCovid-19 ebihlasele ngamandla emazweni ahlukene.
IBulls eqeqeshwa nguJake White, yahamba yaze yafika kowamanqamu lapho eyahlulwa khona yiBenetton ekuhambeni.
Ukwenza kahle kwawakuleli kuzokhuphula nethemba lokwenza kahle kwamaBhokobhoko abhekene nenselelo yokuyozama ukuvikela indebe yomhlaba ezokuba seFrance ngonyaka ozayo.
Nakuba kuwahambela kahle amaqembu akuleli, kodwa kubukeka usemkhulu umsebenzi okumele wenziwe ngabaqeqeshi uma bezimisele ngokuhamba ibanga elide kulo mqhudelwano.
Nakuba kungakaqinisekiswa kodwa ayakhula amahlebezi okuthi umdlalo wamanqamu wale ndebe uzogijinyelwa kuleli.
Isiyonke imidlalo ye-United Rugby Championship League ngempelasonto ihlelwe kanje: KUSASA NGOLWESIHLANU E-DHL Stadium: Stormers vs Glasgow Warriors 18h30.
EKingspan Stadium: Ulster vs Munster 20h35.
E-The Dam Health Stadium: Edinburgh vs Zebre 20h45.
NGOMGQIBELO ELoftus Versfeld: Bulls vs Benetton 14h00.
ERodney Parade: Dragons vs Scarlets 16h00.
E-Emirates Airline Park: Lions vs Connacht 16h05.
EHollywoodbets Kings Park: Sharks vs Leinster 18h15.
ECardiff Arms Park: Cardiff vs Ospreys 18h15.