BAZOLWELA UKUBUYISA ISITHUNZI NGOMKHAYA KOWEDSTV DISKI CHALLENGE
IZOZAMA ukubuyisa isithunzi ngomkhaya iMaritzburg United Reserves eqhathwe neRoyal AM Reserves emdlalweni weDStv Diski Challenge ngoMgqibelo ngo-10h00 eMpumalanga Stadium, eHammarsdale.
ITeam of Choice Reserves izokuya kulo mdlalo iphefumula ngenxeba njengoba ngeledlule inenebulwe yiChippa United Reserves ngo-6-3 eHarry Gwala Stadium, eMgungundlovu.
I-AM Reserves ziyihambela kahle izinto njengoba ihlule omkhaya AmaZulu Reserves ngo2-1 eMpumalanga.
Injabulo ibuzwa enkanjini ye-AM njengoba nesikwati sayo esikhulu sisayibambe kahle kwiDStv Premiership. Sibuye nephuzu kunzima sibhekene neCape Town City koweDStv Premiership ngeledlule. I-AM ilwela ukuqeda endaweni yesibili kwi-log ukuzibekisela indawo kwiCaf Champions League ngesizini ezayo.
IStellenbosch Reserves eqhwakele kwi-log, izokwamukela iSwallows Reserves ngoMgqibelo ngo-10h00 e-Idas Valley, eWestern Cape.
I-Orlando Pirates Reserves ehleli endaweni yesibili kwi-log, izovakashela iMarumo Gallants Reserves ngeSonto ngo-10h00 e-Old Peter Mokaba, eLimpopo.
Isiyonke imidlalo yeDStv Diski Challenge ngempelasonto ihlelwe kanje:NGOMGQIBELO
E-Idas Valley: Stellenbosch FC Reserves vs Swallows Reserves 10h00.
EDobsonville Stadium: Kaizer
Chiefs Reserves vs Golden Arrows Reserves 10h00.
EMpumalanga Stadium: Royal AM Reserves vs Maritzburg United Reserves 10h00.
EMakhulong Stadium: Sekhukhune United Reserves vs Mamelodi Sundowns Reserves 12h00.
NGESONTO
EMalta Park: Cape Town City FC Reserves vs Chippa United Reserves 10h00.
EKing Goodwill Zwelithini: AmaZulu Reserves vs Baroka FC Reserves 10h00.
ETsakane Stadium: TS Galaxy Reserves vs SuperSport United Reserves 10h00.
E-Old Peter Mokaba: Marumo Gallants Reserves vs Orlando Pirates Reserves 12h00.