UVUMA IPHUTHA ALENZILE UMQEQESHI WE-LIVERPOOL
UMQEQESHI weLiverpool yaseEngland uJurgen Klopp uvuma iphutha alenzile athi licishe labaphuthisela ngethuba lokungena kowamanqamu we-Uefa Champions League.
ILiverpool ingene kowamanqamu weChampions League iguqisa iVillareal yaseSpain ngo-3-2 emlenzeni wesibili weChampions League ngoLwesibili kusihlwa eSpain. Kube wu-5-2 sekuhlanganiswe yomibili imilenze.
ILiverpool ike yadonsa kanzima ngesiwombe sokuqala njengoba kuyiwe ekhefini ilandela ngo-2-0.
Ibuye ngesiwombe sesibili yashaya amagoli amathathu.
UKlopp uthi ukuba akalilungisanga iphutha njengoba eqalise ngaphandle uLuis Diaz, kodwa uma esemufaka washintsha umdlalo, waze washaya negoli, ngabe kukhulunywa enye into. UDiaz ungene siqala isiwombe sesibili wafike wagila izimanga.
“Ngesinye isikhathi ukuhlakanipha kuze kweqe kungakufaka enkingeni. Bengihlele ukuqala ngaye uDiaz ngabuye ngamubeka ebhentshini ukuthi ngobani kangazi. Cishe yasilimaza le nto. Ngijabule ngoba konke kugcine kulungile sakwazi nokuwunqoba umdlalo.
“Ngathi ngiyaqala ngqa ukufinyelela kowamanqamu walo mqhudelwano ngendlela engijabule ngayo. Ngethemba ukuthi sizonqoba kowamanqamu ngoba isipiliyoni sinaso,” kusho uKlopp.
U-Unai Emery ololonga iVillareal, uthe: “Kulo mdlalo sitshengisile ukuthi kasilona iqembu elincane. Sibulawe ngamaphutha esiwenze emzuliswaneni wokuqala, yilapho okonakale khona izinto.”
Owamanqamu uzokuba ngomhla-ka 28 kwephezulu eParis, eFrance.
* Imidlalo ye-English Premiership imi kanjena:NGOMGQIBELO
Chelsea vs Wolverhampton Wanderers 16h00.
Brentford vs Southampton 16h00.
Crystal Palace vs Watford 16h00.
Burnley vs Aston Villa 16h00. Brighton vs Manchester United 18h30.
Liverpool vs Tottenham Hotspur 20h45.
NGESONTO
Arsenal vs Leeds 15h00. Leicester City vs Everton 15h00.
Norwich vs West Ham 15h00. Manchester City vs Newcastle 17h30.
* EyeSpanish La Liga imi kanjena: NGOLWESIHLANU
Levante vs Real Sociedad 21h00.
NGOMGQIBELO Mallorca vs Granada 14h00. Athletic Club vs Valencia 16h15. Cadiz vs Elche 18h30.
Celta Vigo vs Deportivo Alaves 18h30.
Real Betis vs Barcelona 21h00.
NGESONTO
Getafe vs Rayo Vallecano 14h00. Villarreal vs Sevilla 16h15. Espanyol vs Osasuna 18h30. Atletico Madrid vs Real Madrid 21h00.
* EyeSerie A yase-Italy imi kanjena:KUSASA NGOLWESIHLANU
Internazionale vs Empoli 18h45. Genoa vs Juventus 21h00.
NGOMGQIBELO
Torino vs Napoli 15h00. Sassuolo vs Udinese 18h00. SS Lazio vs Sampdoria 20h45.
NGESONTO
Spezia vs Atalanta 12h30. Venezia vs Bologna 15h00. Salernitana vs Cagliari 18h00. Hellas Verona vs AC Milan 20h45.
NGOMSOMBULUKO
Fiorentina vs AS Roma 20h45.