SIGUDLA NOGALAKAJANA: ABDUL MILAZI
Abatshalimali nabalimi bayakhononda ngokutotoba kukahulumeni ekuguquleni umthetho ukuze bavumeleke ukutshala nokuthengisa umthunzi wezinkukhu.
Lezi zikhalo zilandela inkulumo kaMengameli wezwe uMnu Cyril Ramaphosa ngesikhathi evula iphalamende ekuqaleni konyaka, eyathi ukutshalwa nokusetshenziswa kwensangu kungabanegalelo elikhulu ekudaleni amathuba emisebenzi.
Maningi amazwe asevulele ukutshalwa nokuthengiswa kwensangu, ikakhulukazi ukuze isetshenziswe ngabantu abanezizathu zempilo. Lapha singabala abantu abanesifo sokuhanjelwa yingqondo baze bangakwazi nokuzenzela izinto, isifo sokuphundleka kwamehlo umuntu agcine engasaboni, wumdlavuza, kanye nabantu abanezinhlungu ezingapheli.
Ngaphandle kwezizathu zezempilo, abanye abantu basisebenzisa ukuze umuntu aduzuke nje kuphela.
Ngesilungu-ke insangu le ihlukaniswa imikhakha emibili, phecelezi i-hemp kanye ne-cannabis. Lokhu kusukela kumehluko wamandla okudakisa loyo oyibhemayo.
Ososayensi bathi lolu hlobo olubizwa nge-hemp alunawo amandla afana nawe-cannabis. Asihlukanisi-ke isintu, konke kubizwa ngomthunzi wezinkukhu.
UMnu Ramaphosa wathi ukuvumeleka kokutshalwa nokuthengiswa kwensangu kungadala amathuba emisebenzi angaphezulu kuka-130 000. Wathi uhulumeni useshintsha imigomo ebhekele nokutshalwa nokuthengiswa kwensangu ukuze lengxenye yomnotho wezwe isimame njengoba sekwenzekile emazweni afana nelabeSuthu.
UMnu Ramaphosa wathi “abantu bakithi eNtshonalanga Koloni, KwaZulu-Natal kanye nakwezinye izifundazwe” sebekulungele ukutshala insangu, ayichaza ngokuthi ingenye yezitshalo zendabuko kuleli. Waqhubeka wathi bangaba neqhaza elikhulu ekuthengiseni insangu ngezindlela ezintsha, okwathathwa ngokuthi uchaza izinhlobo ezahlukene zezinto insangu engasetshenziselwa zona.
Abatshalimali nabalimi bathatha lamazwi kamengameli ngokuthi achaza ukuthi uhulumeni uzochibiyela umthetho olawula ukuthengiswa kwensangu. Lokhu kwakulandela ukuthi udaba lokuchitshiyelwa komthetho olawula ukuthengiswa kwensangu lwaseluvele lusezithebeni zephalamende kulandela isinqumo seNkantolo yoMthethosisekelo ngo2018.
INkantolo yoMthethosisekelo yavumelana neNkantolo ephakeme yaseNtshonalanga Koloni ngokuthi ukungavunyelwa kwabantu ukuthi bazitshalele insangu, noma batholakale nayo uma bezozisebenzisela ngasese akuhambisani nomgomo womthethosisekelo obhekele nelungelo lomuntu lokuzenzela akuthandayo ngasese.
Kwanqunya ukuthi ukuvinjelwa kwabantu ukuthi bazitshalele, bazibekele noma basebenzise insangu ngasese kuwukugxambukela engxenyeni yempilo yabo ethathwa wumthethosisekelo ukuthi ingasese.
INkantolo yoMthethosisekelo yabe isimisa ukusebenza kwale ngxenye yemithetho esingethe ukusetshenziswa nokutshalwa kwensangu iminyaka emibili ukuze uhulumeni nephalamende bachibeyele le mithetho.
IKhabinethe yaphasisa isichibiyelo sale mithetho ngoNcwaba (August) nyakenye, sadluliselwa ephalamende, okuyilo elinamandla ngokoMthethosisekelo ukucubungula imithetho emisha. Yilo iphalamende eligunyazwe ukuthola uvo lwalabo abathintekayo ngomthetho ohlongozwayo.
Uma iphalamende seliphothule umsebenzi walo, lidlulisela umthetho ehhovisi likamengameli ukuthi awusayine ukuze uqale ukusebenza.
UMengameli naye uyawucubungula umthetho obekwe phambi kwakhe, ikakhulukazi ebhekela ukuthi akukho yini kuwo okungaahambisani nemigomo yoMthethosisekelo.
Uma kukhona akusolayo, angawubuyisela emuva ephalamende ukuze kulungiswe lokho, noma awethule phambi kweNkantolo yoMthethosisekelo ukuze kube yiyo ethatha isinqumo ngokuthi umthetho lowo uyahambisana yini nemigomo yoMthethosisekelo.
Abatshalizimali nabalimi bakhala ngokuthi lesi sichibiyelo esiphambi kwephalamende asikuvumeli ukutshalwa nokuthengiswa kwensangu ngabantu nezinkampani abafuna ukwenza inzuzo ngalokhu. Lesi sichibiyelo sisaqukethe kuphela lokho okwalawula yiNkantolo yoMthethosisekelo ngo-2018.
Nokho, lesi sichibiyelo sithi ukutshala nokuthengiswa kwensangu yizinkampani kuvumelekile kodwa kuzodinga ukuthi kubenomthetho omusha oshaywayo ozosingatha lokhu. Okusho ukuthi abatshalizimali nabalimi abakwazi ukungena kule mboni ngaphambi kokuthi kushaywe lo mthetho.
Abatshalizimali nabalimi abamagange ukungena kule mboni bakhononda ngokuthi ukusindwa zinyawo kukahulumeni ukuvulela abatshalimali nabalimi ukuthi bangene kule mboni yensangu kuyimbambezela ngoba leli lizosalela emuva kule mboni uma liqhathaniswa namanye amazwe omhlaba.
Kunezinsolo nokho zokuthi ukuvunyelwa kokutshalwa nokuthengiswa kwensangu kuyoshiya ngaphandle abomdabu bakuleli, osekuneminyaka betshala futhi bethengisa insangu. Kunezindawo ezaziwayo kuleli ukuthi zingabakhiqizi bensangu. Kungabayichilo-ke ukuthi abomdabu
KUNAMAHEMUHEMU athi owayengumengameli wakuleli, uMnu uJacob Gedleyihlekisa Zuma, kungenzeka abuye akhankansele isikhundla sobuholi njengoba ukhetho kuKhongolose selunyathela amasimba abantwana, kanti iculo lakhe likaMshini Wami lizobuya selixutshiwe, lokhu izifundiswa ezikubiza phecelezi, remix.
Kubo bonke omengameli abaphatha emva kukaNelson Mandela, uNxamalala nguye kuphela owayethandwa wuquqaba, futhi enogazi ngisho kubantu abangawona amalungu kaKhongolose.
UMandela yena wayezihambela yedwa ngoba wayedumile, futhi ethandwa umhlaba wonke. Kwabaningi akaconsi phansi kuze kube yimanje, yize asazihambela emhlabeni.
UGandaganda, insizwa ezithandela amahlaya, yena uthi imfihlo yogazi lwalaba balisa bobabili yayisemdansweni. UMandela wayethanda ukudansa, noma ayedansa ngezandla nje kuphela. Kanti noMsholozi kanjalo, wayengaphuthwa yithuba lokungena esitikini, abuye acule nokucula. Emhlabeni wonke jikelele, akekho umuntu ongamthandi umuntu odansayo. Yingakho nje abaculi bethandwa kangaka.
Nangenkathi sisakhula, ukugiya kanye nokudansa kwakwaziwa njengomdlantombi. Izintombi zazithanda amagagu. UGandaganda uthi uKhongolose kuyomele uvule isikole somdanso, njengoba asungula lesi sombangazwe (political school), okungaziwa ukuthi amagumbi aso baphunyukwe yithuba lokuhlomula ngesitshalo sendalo kuleli, osekuneminyaka bezitshalela futhi bezisebenzisela sona.
Size sibizwe ngomthunzi wezinkukhu-nje yingoba besitshalwa akuphi nendawo.
“Kuyomele baqashe u-Arthur Mafokate noma uSomizi Mhlongo njengabaqeqeshi, ngoba phela imidanso ibuzwa kubo. Uhla lwabaholi seluyohlungwa kulabo ababonakala sengathi sebeyakwazi ukudansa,” kusho yona lemambane.
Le nsizwa ithi ngeke uKhongolose ulokhu ulanda uZuma ngoba phela ubhekene namacala asolwa ngawo enkantolo sikhuluma nje, kanti inhlangano yamemezela ukuthi amalungu ayo abhekene namacala kuyomele ashenxe ezikhundleni, kanti nalawo angekho ezikhundleni ngeke avunyelwe ukuba akhankase.
Kuleli sonto esikulo, kuzwakale ukuthi abanye babaholi bale nhlangano KwaZulu-Natal, baqale ukukhankasela ukuthi abalandeli bavunyelwe ukuyoxhasa uNxamalala enkantolo yaseMalasibhokwe, lapho eyobe ezivikela khona emacaleni enkohlakalo.
Lokhu kungemuva kokuthi inhlangano icele abalandeli ukuthi bangayi ukuyoxhasa abasolwa ezinkantolo. “Labo bazikhumbulela ukudansa nje kuphela, ayikho enye into abayifunayo,” kusho uGandaganda.
Usho futhi nokuthi nalezi zinhlangano eziphikisayo, ngeke zanqoba okhethweni uma nazo zingaqoki umholi oyigagu emdansweni.
“Nangu nomedemu weqembu leDA, uHelen Zille, uke wazama ukudansa ngenkathi besaholwa nguMmusi Maimane, kodwa kwaba emakhaya, nezinkukhu zikhosela khona uma kushisa ilanga.
Kwangena-ke abelungu abashaya imithetho ethi akuvumelekile ukutshalwa, ukuthengiswa nokusetshenziswa kwensangu. nhlanga zimuka nomoya. Kwaze kwasho ngisho nomholi weEFF, uJulius Malema wathi lomesisi akakwazi ukudansa. Yingakho bengahlabananga kulolo khetho. Asazi ke ngoba noMalema akakwazi ukudansa,” kuchaza uGandaganda.
Mina ngibe sengimbuza ukuthi ngobani abazoba ngamajaji uma laba baholi sebephothula esikoleni, ngoba phela ngeke baphasisane bona bodwa, noma bavivinywe ngabanye abaholi nabo abangakwazi ukudansa.
“Kulula nje lokho. Kuyobizwa ingqungquthela, bese bekhethwa ngumphakathi. Kuyofana nalo mncintiswano womculo okuthiwa yi-Pop Idols. Bazodansa esitikini ngamunye ngamunye, bese izihlwele zisho ukuthi bashaya ngakhona yini noma qha,” wuGandaganda lowo.
Sengiyabona nje ethi uyadansa uSilili, bese ugogo othile ephakamisa isandla, athi ngesiNgisi “it's a no for me, sorry nana,” esho endodeni endala, eyibiza ngonana.
Athi uyaqala ukudansa uNkosazana Dlamini-Zuma, bese kusukuma omunye walabomama abadansela umculo we-Jazz, athi “sorry, no golden ticket for you. Le nto obewuthi uyayenza akusiwona umdanso. Uzame futhi eminyakeni emine ezayo.”
Kuthi kusenjalo, bese kusukuma omunye walabomama abadansa phezu kwamatafula emajoyintini, angene esitikini, ajayive aze abe mfushane. Bese ebatshela bonke ukuthi kudanswa kanjena ke.