KUZOHLOMULA IMIPHAKATHI NGOMCIMBI WOMCULO WOKHOLO OWENDULELA IPHASIKA
Ntshweni, uLusanda Beja, uXoli Mncwango, uThandeka Dube noNcebakazi Msomi.
Le ndumezulu yomcimbi izoba seNkosi Albert Luthuli International Convention Centre eThekwini ngomhla ka-23 kuNdasa (March).
“Le festiveli ngeyokulungiselela imimoya, siphinde sikhulekele nokuphepha emigwaqweni njengoba sazi ukuthi ngalesi sikhathi kujwayelekile ukuthi kubikwe nezingozi eziningi.
“Njengoba noMengameli wezwe uMnu Cyril Ramaphosa eselumemezelile nosuku lokhetho lukazwelonke, sizophinde sikhulekele ukuthula, nokuthi ukhetho luhambe kahle,” kusho yena.
Uthi okuhlukile ngomcimbi walo nyaka wukuthi bakhethe ukusebenzisana ne-ICC, baphinde bavumelana ngokuthi kumele kube namalungu omphakathi ahlomulayo ngalo mcimbi.
“Enye yemali yokungena emcimbini izosetshenziswa ukwakha imitapo yolwazi (libraries) engomahamba nendlwana, esizobe sesiyihambisela izindawo lapho ingekho khono nhlobo.
“Ukusebenzisana ne-ICC kusho lukhulu kuthina nokuthi njengenkampani ehlela imicimbi, siyakhula,” kusho yena.
Ekhuluma neLANGA, umculi uJumbo Nyangiwe, wethembise abalandeli bakhe ukuthi konke lokhu abamazela khona bazokuthola kunjengoba kunjalo.
“Ngizobe ngigadla ngezingoma zami abangazela zona, nalena eshisa izikhotha eseyihlabane nangezindondo ezimbili ethi, ‘Nasemsebenzini’.
“Ngizophinde ngibaphathele nomculi ongaphansi kwenkampani yami, osanda kukhipha eyakhe i-EP, ebizwa ngokuthi Kojika Izinto, uMpume Hlabisa.
“Ngiyacela abathandi bomculo wokholo baphume ngobuningi babo sizodumisa, sibonge, sinxuse, kuMdali ukuthi asiphephise njengoba sibheke okhethweni,” kusho yena.
Uthi amathikithi aseyatholakala eTicket Pro kanti aqala ku-R150 kuya phezulu.
www.ilanganews.co.za