KWELULEKWA UMGADLI OKHUZA IBUYA KWI-BUCS
UTAPELO Xoki oyisitobha se-Orlando Pirates weluleka umgadli wale kilabhu okhuza ibuya njengoba ethi kuzofanele asebenze kanzima ukuze akwazi ukuziphendlela esikimini sezikaMagebhula.
IPirates izovovana inkani nePolokwane City koweDStv Premiership ngoMgqibelo ngo-15h30 ePeter Mokaba Stadium, ePolokwane.
IBucs inqume ukubuyisa uTshegofatso Mabasa (osesithombeni) ebimeboleke iMoroka
Swallows, kuze kuphele isizini.
Imlanda nje kwiSwa-llows, ibinezi-nkinga zemali eziholele ekutheni abadlali bateleke, abanye bagcina bexoshwa eziNyonini.
UMabasa ubuye kahle kule kilabhu njengoba eshaye elinye lamagoli iBucs ibhaxabula ngo-6-0 iCrystal Lake koweLast 32 yeNedbank Cup ngoMgqibelo odlule eMbombela Stadium, eMpumalanga.
UXoki uthi ujabule ngokubuya kukaMabasa.
“Ungumgadli oseqophelweni eliphezulu, sijabule njengoba ebuyile.
“Wenza kahle ejimini, wonke umuntu uyazibonela ukuthi amagoli yinto ekuyena.
“Sethemba ukuthi uzofika abe wusizo. Kodwa-ke ngeke kube lula ngoba ijezi ulibanga nabantu abasefomini.
“Kuzofanele asebenze ngokwengeziwe, azifuqe, ukuze uma ethola ithuba ezongena aselekelele sinqobe imidlalo,” kusho uXoki.
* Isiyonke imidlalo yeDStv Premiership ezogijinywa kule mpelasonto iqhathwe kanje:KUSASA NGOLWESIHLANU EDanie Craven Stadium: Stellenbosch vs Chippa United 19h30.
NGOMGQIBELO EPeter Mokaba:
Polokwane City vs Orlando Pirates 15h30.
E-FNB Stadium: Kaizer Chiefs vs Moroka Swallows 17h45.
EKing Zwelithini Stadium: Richards Bay vs Royal AM 20h00.
NGESONTO E-Athlone Stadium:
Cape Town Spurs vs TS Galaxy 15h30.