Yiba muhle ngemibala ezothile kulobu busika
Izindlela zokugqoka imfashini engenisile
ISAZI kwezemfashini, uMamsie Mkhwanazi, we-Afrolicious Designs, uthi imibala ezothile (earth tones) ibuye ngegiya eliphezulu kulobu busika bakulo nyaka. Uchaza le mibala njengelula ukuyigqoka futhi ongayigqokela noma yini, ngenxa yokuzotha kwayo. Kule mibala sibala u-nude, u-rich maroon, u-black, u-brown, u-navy blue no-grey.
UMamsie uthi ewodilobhini yakho kufanele ube nezinto okwazi ukuzigqoka noma kunini
(everyday essentials). Lezi zinto kungaba:
– yibhulukwe okwaziyo ukuligqoka ebusuku noma emini;
– yijakhethi enombala o-nude, kungaba yindwangu ye-denim noma i-pleather;
– kungaba isicathulo esi-nude; – kungaba yijezi noma i-turtle
neck.
“Ama-trench coat amade asesitayeleni, amabhulukwe avulekile (oversized pants) no-poloneck abameshayo nakho kungenisile,” kusho uMamsie.
Kanti ezicathulweni ama-boot amade afika emadolweni nawo ameshelana nokugqokile abuyile.
Kwabasemahhovisi uMamsie uthi ama-boots agcina emaqakaleni nama-sneakers yikhona okungenisile.
“Isitayela sokubeka ijezi ehlombe esijwayele ukusibona ikakhulu kubadlali begalofu, naso singenisile.
“Kodwa-ke umehluko wukuthi selibekwa ikakhulu phezu kwe-coat,” kuchaza yena.
Ama-gloves nama-beret, namasudi (power suits) nawo akhuze ibuya.
Uthi okubalulekile ekugqokeni lolu hlobo lwemibala wukuthi kumele okugqamile ukugqoke nokungagqamile kakhulu.
Ukushintsha kwesikhathi sonyaka kasisho ukuthi thenga okokugqoka okusha, kepha ungakusebenzisa okudala futhi wonge ngokuthenga osekuke kwagqokwa (amasekeni).
Abanye bathi kukwadunusa, nokho ngenxa yezinkundla zokuxhumana nasemakhasini afana neInstagram, usuyakwazi nokuthenga khona.