UTyirha wenze imbali emanqindini eselula
IMBETHI manqindi yaseMdantsane yenze imbali emanqindini. UBrilliant Ntlantla Tyirha ubhale iincwadi zembali ngokutsha emanqindini emva kokufumana intshinga yeSouth African Junior Flyweight kwimpelaveki edlulileyo.
Le ndedeba eneminyaka elishumi elinesithoba ilahle phantsi ngenqindi uBongani Silila kumjikelo wesithathu waphela umlo, kwitumente ebibanjelwe eOrient Theatre.
Impumelelo kaTyirha ibe yinto enkulu kakhulu ngoba iguqule imbali eyenziwa nguVic Toweel – owaphumelela intshinga yokuqala njengembethi manqindi ekumgangatho ophezulu kunyaka wokuqala.
Loo mbali yenziwa nguToweel kwisithuba seminyaka engamashumi amathandathu anesihlanu eyadlulayo. UTyirha yimbethi yokuqala ephuma eMonti ekwazileyo ukwenza lo nto.
Le mbethi manqindi enekamva eliqaqambileyo ikhankanye abantu abafana noAyanda Matiti njengabanye babantu abenze umahluko omkhulu kwimpumelelo eyizuzileyo kutshanje. “Ndiyayivuyela kakhulu into yokuphumelela kwam namhlanje. Ndifuna ukubabulela bonke abantu abandixhasileyo abaquka abaqeqeshi, umama wam noMnu. Ayanda Matiti. Ndisamhlonipha uSilila. Sobabini siphuma endaweni enye – kodwa bendisazi ukuba ndiza kumoyisa ngoba akanaso isantya esilingana nesam,” utshilo uTyirha emva komlo.
Naye uMatiti uthi ebesazi ukuba uTyirha uza kumbetha uSilila noxa abantu abaninzi bebengaqondi xa ebathelekisa.
“Abantu abaninzi basithandabuzile isigqibo sam – kodwa mna bendisazi ukuba uTyirha uza kuphumelela,” utshilo uMatiti.
Iziphumo zeminye imilo: UYanga Sigqibo ubethe uKevin Lara kwintshinga yeWBO International. Kanti yena uAthenkosi Dumezweni ungqengqise u-Ulise Lara kwi-IBO.
UNkosinathi Joyi usonge umlo kumjikelo wesixhenxe ebetha uSipho Seforo kwiWBO Africa Junior Bantamweight.
UNtlantla Ngamntwini uzibethele uMfundo Gwayana kumjikelo