Masihleke
AYIBUHLUNGU imizimba bethuna kuyavakala nje ukuba siphuma ku ‘Disemba 16’ yhu! Ndithi bekungemnandi maan eThekwini kwelikabhanana; besihamba ngeentloko, iinyawo sizixhome emafini.
Ndithi iMzantsi le yonke ibingathi idudulwe ngumoya yayokutshona elwandle laseThekwini,ibingathi balahlwe sisigadla sikaCoca cola kwela lwandle, ndlela le bebebanintsi ngayo abantu, beside salibala thina abanye ukuba sinamashishini ekufuneke siwahoyile - besiwavale mba neetshomi zam i “The Mpisane’s” oosomashishini abaziwayo! Hee! Yhazi andikayikholelwa nanamhlanje eyokuba nam sendibalwa kwela nqanaba looMpisane! Tsi! Umkhulu ke wethu Yehova ukweloZulu lesixhenxe!
Kaloku ooMpis pis sebekufuphi kwela nqanaba looMotsepe! Hehehe! Uwoow umkile kodwa Manono Nohombile Mdlazi-Sgcau! Besiqubha ingathi kuthiwa ulwandle liyagqibelisa eMzantsi kulo nyaka, lithengwe ngamaPitoli namaRhawuti! Uwoow!
Bekungagcwele ndiyeke mntakasophakathi!
Ndithi bekuze nabakulo bafhuwi uAzwindini uqobo vha iThathe yonke ibi pha inoba no “Susana” ebekhona. Besityhalana ngezifuba sihamba ngamacala ndlela le bekugcwele ngayo omunye ebehamba phezu komunye yeva?
Hayi akuzange kwagcwala kangaka eminyakeni engaphambili, inoba nalo ulwandle olu belurhole amehlo lucinga nokubaleka ngaba bantu bangaka! He Yesu iDurban iyathandwa yhazi!
Kofuneka mhla ucinge ukwehla Yesu uqale apha eThekwini noko sinazo ihotele ezikudidi oluphezulu wena mntakaThixo (Ethetha ejonge phezulu). Nanjengasomashishini ndiyibone ingenza ingeniso ke le yolulwandle lugcwala ngolwahlobo kule randi ihleli nje iyawa de iphephuke aphe Mzantsi.
Ndicinge ukuba funeka ke sityane iindlebe noSodolophu uMaZaza Zandile Gumede ke sibone ukuba ngesenze noba yiToll-gate yabahambi ngeenyawo phambi kokuba uphumele elwandle.
Funeke ubhatale noba ziiponti ezintlanu! Ewe kaloku sincedisana nerandi le intengayo yalaph’ ekhaya, hayi kuba sifuna ukusa iintsapho zethu eDubai. Hayi bethuna ningasicingeli njalo kwaye le mali kofuneka ihlale kula matrass-bhanki yam soze nje iye kwezinye iibhanki; abafana bayazirobha ezi bhanki. Asoze! Andingethandi ihlale kusodolophu le mali andimthembi. Mhlawumbi naye angagqibela eyitye njengosodolophu waseMonti!