Nyirenda: Akukho apho siyakhona
UMQEQESHI weBaroka FC, uWedson Nyirenda, uthi uqinisekile okokuba iqela lakhe ngeke lithotyiselwe xa kuphela isizini kunyaka ozayo.
UNyirenda uncede iBaroka ngethuba iphumelela iTelkom Knockout okokuqala kwimbali yayo – kodwa ingxaki ajamelene nayo ngoku yile yeqela lakhe elingaqhubi kakuhle.
ABakgaga babethwe yiBidvest Wits ngo’2-1 kwiveki ephelileyo emva kokuzuza inqaku elinye emdlalweni obuphakathi kwabo neMamelodi Sundowns kutshanje.
“Ngeke sithotyiselwe. Utshilo uNyirenda emva kokuba iqela lakhe libambene ngeqanda neSundowns. Nakubeni umqeqeshi ezithembile – kodwa ukubethwa kweqela lakhe kubeke umthwalo onzima kakhulu emagxeni wakhe.