UGordinho ubuyela eNaturena
EMVA kokuchitha ixesha elisondeleyo enyakeni kwiBloemfontein Celtic, ngoku kufike ixesha lokuba uLorenzo Gordinho abuyele eNaturena.
Lo mdlali kwabolekiswa ngaye kwiCeltic ngethuba kusekho uSteve Komphela.
UGordinho udlalele iCeltic okokugqibela ngethuba ibethwa ngo’3-0 ngaMaZulu kwiveki ephelileyo.
Ngenxa yeengxaki zabadlali basemva ebike yajongana nazo ekuqaleni kwesizini, iChiefs iye yazama ukufumana lo mdlali – kodwa ngenxa yezibophelelo, zange ikwazi ukumfumana ekuqaleni kwesizini noxa naye wayekufuna ukuhamba kwiCeltic.