Micho: Singawuphumelela umdlalo eNamibia
UMQEQESHI we-Orlando Pirates, uMilutin “Micho” Sredojevic, yindoda ezithembayo – kodwa akakhululekanga phambi komdlalo weCaf Champions League ongempelaveki. ESam Nujoma Stadium ekwidolophi yaseWindhoek, eNamibia – kulapho i-Orlando Pirates iza kudibana neAfrican Stars emdlalweni wesibini obalulekileyo.
Emdlalweni wokuqala obubanjelwe e-Orlando Stadium kwiveki ephelileyo, akubangakho qela elifuna ukoyiswa phakathi kwePirates neStars eqalayo kulo nyaka ukudlala kwiChampions League.
Ukuya kwePirates kwilizwe lasebumelwaneni kungekho siqinisekiso yeyona nto emenza anxube uMicho. Nangona iAfrican Stars iliqela elincinane kunePirates – kodwa indlela edlale ngayo eGoli yothuse abantu abaninzi futhi kuye kwabonakala ukuba iya kusokolisa nakumdlalo wesibini.
Ukungakwazi kwePirates ukufaka amagowuli idlalela ekhaya ibe yeyona nto ephazamise ingqondo kaSredojevic.
Oku kwenzeke emva kokuba Ezimnyama zingakwazanga ukuphumelela ekhaya – eyona nto ebalulekileyo xa iqela lidlala kwiChampions League.
“Omnye umsebenzi, ukungafakwa kwegowuli kuthi kwenzekile – kodwa asikwazanga ukufaka igowuli. Lo nto ibizakulenza libe lula utyelelo lethu eWindhoek. Indlela esidlale ngayo ibingakwazi ukusinceda kwiindawo ezibalulekileyo ebaleni. Andazi ingxaki ibiphi. Xa sidlalela kowayo iStars izinto ziza kutshintsha ngoba sakube sidlalela endaweni eyiqhelileyo. Ndinalo kodwa ithemba, singawuphumelela umdlalo eNambia,” utshilo iMicho emva komdlalo wokuqala.
Ukuze iPirates ikwazi ukudlulela kumjikelo olandelayo weChamps League, kufuneka iphumelele okanye idlale ntanganye – kodwa kubekho igowuli elifumanayo emdlalweni.
Ngeke ibe lula lo nto ngoba umdlalo uza kudlalelwa kuzenzele webala abangakwaziyo ukudlala kuwo abadlali baseMzantsi Afrika.
Umqeqeshi weStars, uBobby Samaria, uxelele amajelo eendaba okokuba indlela iqela lakhe elizakudlala ngayo kufuneka yahluke eWindhoek kunaleya abadlale ngayo eMzantsi Afrika.