EC Rugby Super 14: Amathathu alwela umjikelo olandelayo
AMAQELA ombhoxo alishumi elinesine adlala kwieastern Cape Rugby Super 14 ayayisonga imidlalo yawo ngempelaveki. Iqela ngalinye liza kube lisilwela indawo ephezulu okanye indawo ehloniphekileyo.
Amaqela amane aphambili aza kuya komnye umjikelo olandelayo apho aza kudlalela ukuya kumdlalo wamagqibela kankqoyi.
Amaqela asele ezibekele iindawo kumjikelo olandelayo phambi kokudlala imidlalo yawo yokugqibela yiswallows neold
Selbornians akugroup B.
Nangona kunjalo, iprogress nepe Harlequins (ngokulandelelana) zinethuba elihle lokuya kumjikelo olandelayo ngoba zihleli phezulu.
Inamashumi amabini anesithathu amanqaku iprogress ewafumene emidlalweni emihlanu.
Kanti yona IPE Harlequins inamashumi amabini amanqaku ewaqokelele emidlalweni emihlanu.
Noxa la maqela egxeleshe ukuya kwisigaba esingentla setumente, kodwa aza kulwela indawo yokuqala kugroup
A kwitumente yalo nyaka. Kunyanzelekile iprogress iphumelele xa idibana nepark emdlalweni wokugqibela ukuze ibethelele indawo yayo phezulu kugroup A.
Isenalo ithuba lokuzibekela indawo kumjikelo olandelayo wetumente ipark ekwindawo yesithathu, kodwa ukuze yenzeke lo nto kufuneka iphumelele umdlalo wayo wokugqibela.
Yona iyoung Leopards, ekwindawo yesine kugroup A, iza kuxikixana nepe Harlequins ekunyanzelekileyo ingabethwa ukuze ikwazi ukuya phambili kwiec Rugby Super 14.
Ibreakers idibana nencerha Leopards.
Noxa izinto sezicacile kugroup B, iswallows neold Selbornians ziza kulwela ubunganga ebholeni yombhoxo ngoba omabini amaqela sele eqokelele amanqaku oneleyo.
Kweminye imidlalo, iafrican Bombers esekugqibeleni idibana nepolice emdlalweni ekulindeleke utake iintlantsi ezwide.
Yona ikruisfontein iza kwamkela igardens emdlalweni oza kube usesports Complex. Yonke imidlalo idlalwa ngaxeshanye ngomgqibelo umhla wesihlanu.