I-EFF iyayikhaba imizamo karamaphosa yokunqumamisa umkhuseli woluntu
cwayita.nondula@inl.co.za
Kwingxelo IEFF ichaze iinzame zikamongameli Cyril Ramaphosa zokunqumamisa umkhuseli woluntu, ubusisiwe Mkhwebane, njengezikazwilakhe.
Oku kusemva kokuba uramaphosa enike umkhwebane iintsuku ezilishumi zokuba achaze isizathu sokuba anganqunyanyiswa ngokwemigaqo yesahluko se194 somgaqosiseko.
Usomlomo wendlu yowisomthetho, unosiviwe Mapisa-nqakula, uxelele umongameli malunga nenjongo yendlu yowisomthetho yokuphinda iqalise inkqubo yokubek’ ityala umkhwebane.
Emva kwesigwebo samva nje senkundla yomgaqosiseko, esivule indlela yokuba ipalamente iqhubele phambili nophando lwayo lokuba umkhwebane ukulungele na ukuphatha isikhundla sakhe.
I-EFF ithe ileta efuna umkhwebane acele ukuba anganqunyanyiswa sisoyikiso esifihlakeleyo.
“Yinyaniso emsulwa ukuba ubusisiwe Mkhwebane ebengagungqi kwigunya lakhe lokuphendula abo baphetheyo, kwaye oko ukwenze engakhethi buso, ebandakanya uramaphosa namahlakani akhe,” ibhale yatsho IEFF.
I-EFF ithe isigqibo sikaramaphosa sokunqumamisa umkhwebane siphambi kwexesha, singxamile kwaye sikhokelela ekubeni sigqibe kwelokuba sisigqibo esithathwe ngenxa yoloyiko endaweni yokuba sisekelwe kwingqiqo.
“Uphando lwepalamente ngomkhuseli woluntu kufuneka lunikwe ixesha lokwenza umsebenzi walo, kwaye lo msebenzi ngokungathandabuzekiyo uza kuquka ingxoxo ngemiba ephathelele kumongameli ngokwakhe. Ngoko ke ukwicala eliphantsi kwaye uyangqubana, kwaye akanakuthatha nasiphi na isigqibo esithath’icala malunga neziko lesahluko 9 eliphanda ngemiba emalunga naye,” itshilo IEFF.
Abantu baye kumnatha wonxibelelwano, utwitter, ukwabelana ngezimvo zabo ngalo mba. Ezi zezinye zeembono zabo:
“Nanini na inkokeli emnyama ethanda abantu bayo iyatshutshiswa, uya kufumanisa ukuba YIEFF eqale ukuyithengisa. YIEFF eyatyala imbewu yokuba umkhuseli woluntu ubusisiwe Mkhwebane wayeyimpimpi nonopopi wakwagupta. Imbewu ichumile yavelisa isiqhamo! "
“Thina bemi bomzantsi Afrika abangayixhasiyo imfazwe kamkhwebane. Kwakukho S. Baqwa, L. Mushwana, T. Madonsela, kuba babekholisa inkokeli, ilizwe lalingenamithetho efuna ukuhlonitshwa. Ngephanyazo kuqulunqwa imithetho yokususa ubusisiwe Mkhwebane kuba inkokeli ingonwabanga nguye.”
“Ingaba zimbini IIEFF? Le EFF ukusukela ngo2018 inyanzelisa ukuba umkhwebane arhoxe njengomkhuseli woluntu. I-EFF ukusukela ngo2022 ithi uramaphosa nguzwilakhe otshabalalisayo ngokuthatha amanyathelo okususa umkhwebane esikhundleni. Ayimangalisi into yokuba abalandeli BEEFF basoloko bevakala bebhidekile.”
“Musa ukugxeka IEFF xa IANC ixakekile izondla yodwa. Yinja etya inja kwianc. I-EFF ayinanto yakwenza namaqela EANC. I-EFF liqela eliphikisayo kwaye iya kuhlala izigxeka izigqibo ezingasilungeliyo emzantsi Afrika.”
“Uramaphosa onyukele kwi-ofisi kamongameli ngetikiti lokungafihli nto kunye nomlo worhwaphilizo ngoku ulwa nomntu ongumlwi wobuqhophololo, uadv. Mkhwebane.”
“I-EFF ithethe kakhulu ngobuthathaka bukamkhwebane njengomkhuseli woluntu kwaye abaninzi baqhwaba izandla, kodwa xa kuqhutywa iinkqubo zepalamente kukho ingxaki.”