Amalinge okukhulula umani kwesimnyama
IQELA elilwela ubulungisa kwityala lomfundi wasewsu usibongile Mani, lithi lisiqinisile isandla kwezomthetho emva kokufumana igqwetha elaziwayo kweli uthembeka Ngcukaitobi njengoza kukhokela iqela lamagqwetha athe azibandakanya neli tyala.
Umani ugwetywe iminyaka emihlanu ethothoza ejele emva kokufunyanwa yinkundla yamatyala yasemonti enetyala lobusela bemali ebalelwa kwi800 000 yer14 yezigidi awayinikwa ngempazamo nguintellimali.
Umani kwakufanele ukuba ufumene imali eyir1 400. Wafunyanwa enetyala lobusela ngumantyi utwanette Olivier waza wamthi khuntyu iminyaka emihlanu ejele, sigwebo eso sibonwe njengesigwebo esiqatha ngabaninzi.
Umani kulindeleke ukuba abuyele kwinkundla kamantyi emonti ngomvulo kwiveki ezayo umhla we11, nalapho kulindeleke ukuba inkundla ibeke usuku lokumamelwa kwesibheno kwisigwebo nakwisigqibo sokumfumana enetyala.
Othethela iqela elifuna ubulungisa kwisigwebo sikamani, uvusi Mahlangu.
“Sifumene iqela lamagqwetha azimisele ukuncedisa ekukhululeni umani. La magqwetha aza kusebenza negqwetha lakhe uasanda Pakade. Injongo yethu kukuncedisa upakade osebenze yedwa ixesha elide kweli tyala.”
Eli qela lisemi kwelithi umani akanatyala, kwaye imali wancedisa ngayo abafundi abasweleyo.
Negqwetha likamani upakade ubemi ngelithi imali wanceda ngayo abafundi abasweleyo, usapho lwakhe, kwakunye nabantwana bakhe.
Noxa kunjalo inkundla zange inikwe bungqina ngesi senzo sesisa, kuba akukho nomnye umfundi onike ubungqina bokuzuza inkxaso, nto leyo ngeyibe luncedo kwiinzame zokumthethelela.
Umani naye zange avume ukunikeza ngobungqina phambi kwenkundla nto leyo uluntu kunxi-belewano lomnatha luthi mhlawumbi ukuba wayezi-thethelele phambi komantyi ngewavakalelwa kwaye ngezamanyelwa nezizathu zakhe, koko zange asebenzisane nenkundla.