Umabuyane unqumamise intloko yesebe lezemfundo
INKULUBAPHATHISWA yempuma Koloni uoscar Mabuyane unqumamise ugqirha Naledi Mbude, intloko yesebe lemfundo okwethutyana ngelixa kusenziwa uphando ngemiba ebalulekileyo echaphazela ukufundisa nokufunda kweli phondo.
Umabuyane wazise intloko yesebe ukuba ukunqunyanyiswa komvuzo opheleleyo kuya kuqala ukusebenza ngoko nangoko.
Oku kukunqunyanyiswa kwemiqathango yomgaqo woluleko kunye neenkqubo zamalungu eenkonzo zolawulo oluphezulu (SMS) equlethwe kwisahluko sesixhenxe sencwadana YESMS yenkonzo karhulumente.
Ukunqunyanyiswa kukagqr Mbude kulandela imiba eliqela esuka kumsebenzi wesebe equka, ukulibaziseka ekuhanjisweni kweencwadi zokubhala ezikolweni, ukulibaziseka ekuqhutyweni kweentlawulo zabancedisi bootitshala kwixesha leeholide zika2021 kunye nenkcitho engaphantsi kweziseko zophuhliso. Isibonelelo esikhokelela ekubuyiselweni kwezigidi ezingama205 zeerandi kunondyebo.
Isithethi senkulumbuso norhulumente ukhuselwa Rantjie uthe kwingxelo “Ukunqunyanyiswa kwentloko yesebe kudala ithuba lokuba urhulumente enze uphando ngale miba. Inkulubaphathiswa umabuyane useke igqiza elikhokelwe ngusekelamlawuli Jikelele kwisebe lezemali lephondo eliquka amagosa aphezulu kwiofisi yenkulubaphathiswa nonondyebo ukuze liqhube olunye uphando ngale miba lize lingenise ingxelo kuye kwisithuba esingangenyanga.”
Umphathiswa wesebe lezemfundo empuma Koloni, ufundile Gade, ukwamkele ukuchongwa kukamahlubandile Qwase ngumabuyane ukuba akhokele isebe lezemfundo njengebambela lentloko yesebe.
Uqwase unamava abanzi kulawulo nanjengoko ephuma kwiofisi yenkulubaphathiswa apho ebesebenza njengosekela Mlawuli Jikelele.
Uqwase uza kube ebambele kweso sikhundla kulindelwe ukuqukunjelwa kwalo mba njengoko unxulumene nombude kunye nazo naziphi na ezinye iinkqubo ezinxulumeneyo.