Ingavuma IWSU ukuphindwa yifort Hare?

AMAQELA amabini adlala kwivarsity Shield, ifort Hare University newalter Sisulu University, aza kududlana okweenkunzi zegusha emdlalweni ojongwe ngamehlo abomvu ngabalandeli bombhoxo.

Umdlalo wala maqela mabini wasempuma Koloni uza kube ubanjelwe edavidson ngentsimbi yesixhenxe ngorhatya ngolwesine wale veki.

Okuncumisayo ngomdlalo wefort Hare newalter Sisulu kukuba kuza kube kuboniswa esizweni italente yasempuma Koloni – iphondo elinembali etyebileyo kakhulu kwicala lokuvelisa abadlali abaphambili embhoxweni wasemzantsi Afrika nakwihlabathi liphela.

Emva kwemidlalo emithandathu yevarsity

Shield kwisizini eqhubekayo, ifort

Hare ithe ngcu phezulu kwaye iyiphumelele yonke imidlalo yayo.

Kanti yona IWSU All Black ihleli kwindawo yesine. Iphumelele imidlalo emithathu, yaze yabethwa kweminye emithathu.

Phakathi kwaloo midlalo kukho eyankulwa kuwo yifort Hare ngo27-13 kwinyanga yokwindla. Umbuzo ngowokuba iza kuvuma na iwalter Sisulu ukuhlazwa kabini yifort Hare? Impendulo iza kuvela ebaleni ngolwesine.

Kodwa xa ubani ejonga indlela edlala ngayo ifort Hare kule sizini, maninzi amathuba okuphumelela kwayo kwakhona.

Nangona iwalter Sisulu ibiyeyona inamandla kwivarsity Shield kumaqela alapha empuma Koloni phambi kokufika kwekhorona, kodwa izinto azisafani.

Mhlawumbi ezinye zezizathu kukungabikho kwabadlali ababekhona eminyakeni egqithileyo nokufika kwabaqeqeshi abatsha.

Umdlalo uza kunika umdla ngoba iwalter Sisulu ayizukuvuma ukubethwa kabini izihlandlo zilandelelana kwidabi lobukhaya.

Yona ifort Hare ijonge into enye ngoku, ukubethelela indawo yayo phezulu ukuze yandise amathuba wayo okunyuselwa kwivarsity Cup yoompondozihlanjiwe embhoxweni weeyunivesithi zasemzantsi Afrika.

Iqela lasempuma Koloni elingaqhubi kakuhle kwivarsity Shield kule sizini yirhodes University.