Indodana yasengcobo inikwe ithuba yits Galaxy
KUNGEKUDALA abantu basengcobo baza kubukela umntwana wabo kumabonakude edlalela iqela lebhola ekhatywayo kwidstv Premiership.
Oku kuza emva kokuba ITS Galaxy ityikitye umdlali ogama linguaphelele Shaka Mhlaba ophuma kwilali yakumanzana ekuqaleni kwale veki.
Isibhengezo senziwe yinkokheli yephondo lempuma Koloni ulubabalo Oscar Mabuyane kwikhasi lakhe likafacebook.
Ngokwengxelo kamabuyane, umhlaba uthathwe yits Galaxy kwiziko elivelisa abadlali abasakhulayo ekuthiwa yicarlos Soccer Youth Development Academy. Ngumdlali wesibini umhlaba othathwe yits Galaxy esuka kwicarlos Soccer Academy.
Owokuqala nguaphelele Teto okwisizini yesibini njengomdlali wets Galaxy.
Umabuyane uwuqhwabele izandla umsebenzi kaeric Carlos Mtshamba ongumqeqeshi nomvelisi wekhaba elitsha labadlali abaphuma empuma Koloni.
“Ndifuna ukuvuyisana naye uaphelele Shaka Mhlaba osuka kumanzana. Umsebenzi owenziwa ngumqeqeshi (ucarlos Mtshamba) uyancomeka kakhulu. Eyona nto ephambili kuye kukuvulela amathuba abantwana abasuka kwiindawo ezihlelelekileyo, ingakumbi abanetalente nabafuna ukudlala kwinqanaba eliphezulu. Intshisakalo anayo yokusebenza nolutsha iyamangalisa futhi neziqhamo ziyayibonisa lo nto,” utshilo umabuyane.
Umabuyane, osuka engcobo naye, ucelele icarlos Soccer Academy inkxaso koosomashishini. “Masigcine ulutsha kude ezitalatweni ngokubanika izinto abaya kuthi bazidle ngazo ubomi babo bonke,” ulebele ngaloo mazwi.
Kukhangeleka ngathi impuma Koloni lithafa elichumileyo ezingela kulo ITS Galaxy. Okumnandi ngokuya kukamhlaba kuyo kukuba iyabanika abadlali abasakhulayo ithuba lokuzibonakalisa ebaleni.
Emalanga ngecawe, ITS Galaxy iza kudibana nerichards Bay emdlalweni wedstv Premiership.