Udinga izixhobo ovuselela impahla ezindala
ULULEKA Lulu Mlonyeni ongomnye woosomashishini abasakhasayo empuma Koloni, nobephakathi koosomashishini ebebezimase inkomfa enjongo ikukukhulisa uqoqosho emonti, uthi ebesoloko ecinga ukuba uyakwazi ukuphatha ishishini lakhe de wabe kanti ufumana ulwazi oluninzi kule nkomfa.
Uthi iindibano ezinje ngezi zokuba ukhe udibane nabanolwazi kwezoshishino k
uvula ingqondo kuba uye ube nemibono yokukhulisa nangakumbi ishishini lakho obukade ungayiboni. Umlonyeni un gumthungi weempahla zokunxiba zefashoni, okunika umdla kukuba wenza namacici esebenzisa iziciko zebhotile zeziselo ezinxilisayo, kuquka neebhegi ezindala.
Uthi mininzi imingeni ajongene nayo njengosomashishini, eminye yawo kukusebenzela ezilalini kowabo ecolosa, edutywa, kuba esithi iyadura intlawulo edolophini.
Umlonyeni unesidanga kwizifundo zokuthunga kwiyunivesithi yasepitoli.
Emva kokungafumani msebenzi ithuba elide wabuyela ekhaya apho wafika wazakhela elakhe igama emthungweni.
Eli gqiyazana lithi inkxaso yona lisayidinga nangakumbi kuba izixhobo zokusebenza zinqongophele nto leyo iphela isenza umsebenzi wakhe uhambe kade.
“Okwangoku ndinoomatshini bokuthunga ababibini kuphela endisebenzisa bona. Owona ndiwunqwenelayo ngamandla umatshini ngowokushicilela (ukuprinta) i-embroidery. Ndiyasokola kakhulu xa ndithe ndafumana iodolo yeempahla zesikolo ezikolweni, kuye kufuneke ndiyokuprintisa emonti xa ndifuna zikhawuleze, yimali ke leyo ngamanye amaxesha.
“Ukuba ndingafumana lo matshini ungakhona kakhulu umohluko kwishishini lam, nto nje andikakwazi ukufikelela kuwo ukuba ndiwuthenge, andizange ndafumana nkxaso kwaye andinayo imali eyoneleyo,” utshilo umlonyeni.
Umlonyeni kulo nyaka sikuwo ubuyele esikolweni.
Eyona njongo yokubuyela kwakhe uthi kukuncedisana naye kweli shishini lakhe lokuthunga azokwazi ukuthengisa ishishini lakhe.
Wenza izifundo zemarketing Management eking Hintsa edutywa.