Kudutyulwe igosa lezendlela elibhinqileyo endleleni!
IGOSA lezendlela lidutyulwe labhubha kusasa ngolwesithathu liphangele kwindlela ur75 kwadwesi egqeberha.
Ingxelo ephuma kwisithethi sesebe lezothutho lwakunye nokhuseleko empuma Koloni, uunathi Binqose, ithi kusasa izolo amagosa amathathu ephondo, amakhosikazi amabini kwakunye nendoda enye bebexakekile besenza umsebenzi wabo wesiqhelo ukujonga amatikiti ngethuba kudutyulwa elinye lamagosa elingusisi nebelihleli ngaphambili emotweni.
Ubinqose uthi oku kwenzeke phambi kwentsimbi yeshumi elinanye kusasa xa bekuzama ukuhlaselwa eli liyindoda igosa nebelime ngaphandle endleleni, nebelizama ukuhlaselwa ngamadoda amane. Eli libhinqileyo lidutyuliweyo belizama ukuyokuhlangula ukuze libe liyadubuleka esifubeni.
Umpu lowo wexhoba uye wathathwa ngaba barhanelwa bane.
Igama leli gosa libuleweyo belingekachazwa izolo ulwesithathu nanjengoko bekusengethuba kwaye nezalamane zingekaziswa zonke.
Umphathiswa wesebe uxolile Nqatha usikhalimele kabukhali esi senzo.