Iqalile iparty yamavampire nomshampisto
WAQALA ngokombelela ekwabethela amakhwenkwe aza kuya entabeni ikatali ngo1997, kanti oko kukugqama kwesakhono sengoma kunongoma.
Le mvumi, ezenzele igama kwiqela lomculo Amawele kamamtshawe, ikhuphe ukracaza wengoma entsha ethi
Kule ngoma, esele ikwiivenkile zomculo kwiintanethi, unongoma ukhankanya amagama abanye abantu abazingcayo ngamasiko nesintu, abanjengotat' uloyiso Nqevu nomsasazi wemaskandi kumhlobo Wenene FM ugudlabatshakazi Bangi.
“Ithetha ngokuxabisa amasiko ethu nobuntu bethu. Utat' unqevu nogudla ngabanye babantu abazingcayo ngamasiko nenkcubeko yethu,” kutsho unongoma encokolela I'solezwe lesixhosa.
Le mvumi ithi ngale ngoma ifuna abantwana nabatsha bakhule bebona ukubaluleka kwesixhosa nesintu.
Usebenze kuyo nombuzeni Mkhize, unyamazana nedriemanskap.
Unongoma, ogama lokuzalwa ingumasibulele Gompo uzalelwe kwilali yakwamaxhama, kwafeni kucentane.
Kwakungo2009 ngethuba echwetha umzala wakhe owayesesesikolweni ngoko utornado, esithi mabaziqalele iqela lomculo Amawele kamamtshawe.
Wayekhe wayinxalenye yekhasethi elalishicilelwe kumhlobo Wenene leqela labo langee90s iyizo Yizo apho bakhupha ingoma ethi
Kunyaka ophelileyo unongoma ukhuphe ingoma ethi
“Le ngoma yamkeleke kakuhle kwaye ikhona nayo kwiivenkile zedijithali, uluntu lubonakalise ukuyithanda,” kutsho unongoma.
Phakathi konyaka ka2004 no2015, unongoma ukhuphe iingoma eziliqela ezifana nophuma Langa, Imali Yegazi, Imihla Yam, Inkomo edla yodwa, Social Worker nouyadelela.
Le mvumi ikhe yaphumelela imbasa kumawonga wempuma Koloni abizwa ngee-ecmas. Ukanti ngaphambili yakhe yatyunjelwa imbasa nakwiicrown Awards.
Unongoma ukwabhengeze ukuba uza kusebenza nobetusile Mcinga wegospile kungekudala.
Uthi impuma Koloni iyalambatha kwicala lomculo wemaskandi kuba akukho mnyhadala ubekelwe bucala iimvumi zemaskandi njengamanye amaphondo.
ABATHANDI bomculo wamapiyano baza kujuxuza kude kuse xa bephulaphule iparty yamavampire.
Le yingoma entsha ekhutshwe yinzalelwane yaselibode umzwethemba 'Mshampisto' Mgilazana.
Le ngoma ilandela iingoma zikamshampisto ezininzi ezinjengepitso Mosimane Song neyingoma eyayikhahlela kumqeqeshi ohamba phambili kweli.
Encokolela I'solezwe lesixhosa, umshampisto, 36, uthi le ngoma yeyasemjuxuzweni.
"Iparty Yama Vampire lipiyano labantu abakhulu, yingoma yase mjayivweni, yenye yeengoma iidj eziye ziyidlale phaya ekuzeni kusa ukuvusa abantu ebasele belele,'' kutsho le mvumi yelali yasezandukwana.
Umshampisto, osele abelene ngeqonga neemvumi ezifana nopitch Black Afro, Brickz nospikiri, uthi ngale ngoma ulungiselela ukukhupha icwecwe lohlobo lwe-ep.
Iparty yamavampire yenziwe kwinyanga yomsintsi, kwaye umshampisto usebenze nokush London noultra Lord kuyo.
Umshampisto uzigqamise ngomculo wekwaito, kodwa ukholelwa ukuba elo xesha laloo mculo lafika laphinda ladlula.
“Kaloku ngokuya kuhamba kwexesha nezinto ziyatshintsha, lo nto ithetha ukuthi lafika ladlula ixesha lekwaito kwangena Amapiano futhi ke angenelele. Xa ungumculi kufuneka ukwazi ukwenza lonke uhlobo lomculo,” uzithethelele watsho.
Uthi ukuze angene emculweni wakhuthazwa ngudrencko.
Ezinye iingoma aziwa ngazo ziquka ethi Haymani, Ungamyeki nethi Oncam ncem.