Abaphathiswa bagxekwe yijaji ngeintercape
ISIGWEBO samva nje senkundla yasemakhanda sibhengeze owayesakuba ngumphathiswa wezothutho empuma Koloni uweziwe Tikana-gxothiwe kunye nomphathiswa ufikile Mbalula njengabasileleyo ekufezekiseni uxanduva lwabo lokubeka amanyathelo asebenzayo okhuseleko lwabaqhubi abahamba imigama emide.
Esi sigwebo sazingqina izimvo zeintercape zokuba amagosa ezopolitiko awaphumelelanga kwimisebenzi yawo yomgaqosiseko kunye nomthetho ngokomthetho wesizwe wezothutho lomhlaba ukuphelisa ubundlobongela obujoliswe kubo yimibutho yeeteksi.
I-intercape inyanzelisa ukuba umbalula kunye nomphathiswa okhoyo uxolile Nqatha baqinisekise ukuba iindawo ekungahanjwa kuzo empuma Koloni zivulwa ngoko nangoko kwixesha leeholide kwaye abakhenkethi banqumle kwiidolophu zasecofimvaba, egcuwa, engcobo, etsomo nasedutywa bekhuselekile.
Le nkampani iqhuba iibhasi ezihamba imigama emide ikwafuna ukuba umphathiswa asebenzise amandla akhe abanzi okuphanda kwaye aqalise ngokukhawuleza iindibano zovakalisozimvo kunye nemibutho yeeteksi kwaye bathathe amanyathelo ngabaqhubi abenza ngokungekho mthethweni.
Ijaji ujohn Smith uthe ubungqina bufumanise ukuba utikana-gxothiwe wohlulekile ukungenelela kule ngxaki nangayiphi na indlela enentsingiselo.
Ijaji ithe amalungu eqela lezopolitiko asoloko esilela ukuphendula kwizicelo ezahlukeneyo zokungenelela kwi-intercape.
Uyalele umbalula kunye nomphathiswa wephondo ukuba beze nesicwangciso sokusebenza zingaphelanga iintsuku ezingamashumi amabini aze asibeke phambi kwenkundla.
Ingqonyela yeintercape ujohann Ferreira uthe umbalula akabonakalisi ntando yezopolitiko okanye yezolawulo yokungenelela kwicandelo elibalulekileyo lezothutho lukawonkewonke.
Uthe ukusilela kukambalula ukuyithathela phezulu imiba ephakanyiswe yi-intercape ilingana nokungakhathali okugqithisileyo kunye nokulahlwa koxanduva lwakhe lomgaqosiseko.
Isithethi sesebe lezothutho empuma Koloni, u-unathi Binqose, uthi isebe lisenza uphando ngesigwebo senkundla kwaye kukho neengxoxo malunga nokuba libhene kusini na okanye lithathe amanyathelo ngokwezindululo zalo.
“Okwangoku asinako ukuthetha ngesigwebo senkundla ephakamileyo njengoko isisigwebo esiphantsi kwengqwalasela yezomthetho kwaye ke ngoko akuvumelekanga ukuba kuxoxwe esidlangalaleni. Iqela lethu lezomthetho lijonge kwisigwebo,” utshilo ubinqose.
Isithethi sesebe lezothutho ulwaphesheya Khoza ukhe wacelwa ukuba enze ilizwi kodwa akakwazi ukuphendula ngethuba lopapasho.