Ichiefs nechippa etshatshalazeni
LUMKA, ikaizer Chiefs yakudala ibuyile,”
lawo ngamazwi kaarthur Zwane emva kokuphumelela ekapa kwiveki ephelileyo. Amakhosi angombe istellenbosch FC ngo3-1 emdlalweni obutak’ iintlantsi ecape Town Stadium. Amakhwenkwe kasteve Barker akhokele ngenqaku elifakwe ngunhlanhla Mgaga kwisigaba sokuqala somdlalo kodwa ekugqibeleni, Amakhosi awuphumelele umdlalo ngo3-1 ngamapenela afakwe ngubonfils-caleb Bimenyimana.
Ngaphandle kokufumana amapenela, iqela likazwane lidlale kakuhle kakhulu nestellenbosch esisokolisayo kakhulu. “Abadlali babonise ukuzimisela okumangalisayo. Le yichiefs endiyaziyo. Yile nam ndandiyidlalela,” utshilo uzwane obechulumancile.
“Ichiefs exhaswa ngabantu kufakwa kuyo inqaku kodwa ilwe kude kube sekugqibeleni. Liqela elinjalo esilakhayo apha,” utshilo uzwane. Noxa ichiefs ibisoloko ibashushu iphinde ibande, kodwa ukufika kukabimenyimana kwenze umahluko omkhulu kakhulu.
Emidlalweni emithathu egqithileyo, ubimenyimana ufumene amanqaku amathandathu kwaye uzimisele ukufaka amanye amanqaku.
Ingxaki enkulu yechiefs ibikungakwazi ukusebenzisa amathuba kodwa ngoku ingathi izinto ziguqukile.
Kulindeleke ifolosi yaseburundi yenze edume ngazo xa ichiefs idibana nechippa United emdlalweni wedstv Premiership oza kube usemoses Mabhida Stadium ngentsimbi yesithathu emva kwemini ngomgqibelo.
Ingakwazi na ichippa ukumbamba ubimenyimana? Lowo ngumbuzo abazibuza wona abalandeli bebhola.
“Kukufaka amanqaku into endiyizeleyo apha. Iyandonwabisa lo nto,” utshilo ubimenyimana emva komdlalo obusekapa.
“Ndifuna ukufaka inqaku emdlalweni ngamnye esiwudlalayo. Ukuzithemba kum kuphezulu kwaye ndifuna ukunceda ichiefs ibuyise isidima sayo. Iza kubuya ichiefs. Siyazi ukuba inexesha elide ingafumani iindebe. Kule sizini sifuna into ekhethekileyo,” utshilo ubimenyimana, ovale ngelithi iqela liza kuya kwichippa ngamandla afanayo abadlale ngawo ekapa.
Ikhuthazekile kodwa nayo ichippa emva kokubetha imarumo Gallants ngo1-0 namazulu ngo2-1 emidlalweni yokugqibela phambi kwekhefu LEFIFA.